Sammi經過再三考慮，擔心不能勝任決定辭演，改由千嬅頂上。
探熱針
《五個小孩的校長》喊贏《雛妓》 鄭秀文走雞
真人真事改編的《五個小孩的校長》，上畫不夠兩星期，截至本週一（ 30日），累積票房和阿 Sa（蔡卓妍）大膽主演的《雛妓》叮噹馬頭，直逼千七萬，要喊贏阿 Sa，完全無難度。
好劇本可遇不可求！有份投資的古天樂，最初篤定合作無間的鄭秀文做呂麗紅校長，撞啱 Sammi檔期緊張，無足夠時間做準備，擔心不能勝任做好角色，又怕老公許志安不高興，多重障礙下， Sammi決定放棄，錯過隨時有得提名的黃金機會。
為演唱會棄校長
去年初，古天樂與寰宇電影落實開拍《五個小孩的校長》，靈魂人物呂麗紅校長一角，首選鄭秀文。
睇過劇本， Sammi覺得好有意思，角色亦有發揮，即使不習慣同小朋友溝通合作，初步亦一口答應，直至二月，要埋位拍好友卓韻芝執導的《失戀急讓》，日日○六通告，拍足十二小時連續兩個月無停過，其間再獲通知，紅館批出跨年演唱會檔期，至此， Sammi開始萌起放棄《五個小孩》的念頭。
「 Sammi每做一個 job都好投入好拼搏，所以工作同工作之間一定有 break俾佢回氣，拍阿芝部戲唔似同杜 sir開工咁舒服，嗰段時間日日踩十二個鐘，但促使佢唔接《五個小孩》係紅館批咗個演唱會期出嚟，如果佢接《五個小孩》，學校放暑假嗰兩個月埋位，拍完先再做個唱籌備，就會唔夠時間，亦唔夠體力，左諗右諗，決定棄權！」知情者說。
《五個小孩》最終由已為人母的楊千嬅執手尾， Sammi則選擇在演唱會彩排前，同吳鎮宇到英國拍只有九日戲的賀歲片《衝上雲霄》。
目標三千萬
感人又勵志的《五個小孩》，觸動香港觀眾，由三月十九日開畫六十萬，票房一路直線上升；截至本週一（三十日），累積票房一六七四萬，直逼三月五日上畫，錄得一七○三萬的《雛妓》。走勢凌厲，有復活節長假，目標三千萬，絕對有機會。
至於女主角楊千嬅，隨時有機會，憑《五個小孩的校長》，再獲提名！
|
鍾意就快D Share啦！
|
|
|