全城熱爆的娛樂八封新聞 & 時事趣聞 & 生活 + 趣聞
雖然呢個勝利手勢就好多人都會擺嚟影相，不過要擺到有晒功夫格嘅，全知言淨係諗到成龍囉！
韓風吹得咁勁，好多粉絲都過晒底追捧韓妹韓仔，曾經都好多人追捧嘅台星，近年好似無乜聲氣。
13年突然同李靚蕾結婚兼去年生埋女嘅王力宏，當大家以為佢已經無吸引力嘅時候，上週一（ 6日）嚟到香港宣傳新碟，竟然吸引到大批粉絲到場，場面絕對不比韓星輸蝕！不過全知言就直覺覺得，王力宏唔知係咪近得成龍多，好多動作都同成龍好相似，加上佢本身都有一個大鼻，唔望真啲，真係以為成龍又多咗個仔呀！
成龍個招牌 pose就係呢個孖 V勝利手勢，成日俾街坊笑係代表有 2個老婆、 2個仔女喎！
成龍 60歲大壽，喺北京工人體育場搞咗個演唱會，王力宏都特登去表演。圖片
唔只係勝利 yeah，仲有呢個合十嘅 pose，王力宏都照住嚟擺！
上週一（ 6日）王力宏喺宣傳活動上，不論男女老幼嘅粉絲都有，平時唔聲唔聲嘅王力宏，估唔到都幾有號召力喎！
