全城熱爆的娛樂八封新聞 & 時事趣聞 & 生活 + 趣聞
行完街 shopping完，白滑後生仔幫劉公子 call車，又似助手又似密友，好亂呀！
因為男藝人裸照而一影成名嘅劉公子劉定成， 12年中出獄後，生活尚算低調，不過性向唔需要再被懷疑嘅劉公子，就多次被傳媒影到佢同不同男子進出名店。
上週三（ 8日），劉公子就俾全知言撞到佢喺中環置地出現，每次都有美男子相伴嘅劉公子，當日都算打扮時尚，不過就明顯老咗唔少，話晒都 65歲喇，仲行得走得算係咁。講番當日，身邊位男子睇嚟只係 30歲左右，又白又滑咁囉，佢一直跟實喺劉公子身邊，最後仲幫劉公子打電話搵司機，睇嚟關係不淺囉！不過唔知全知言下次再撞到劉公子時，會唔會又換咗人呢？
當年有傳劉公子影過羅仲謙、吳彥祖同埋馮德倫，真係一影成名㗎！
呢一身便裝加波鞋嘅打扮，相信無咩人會估到佢係 65歲嘅老人家劉定成。
劉公子同白滑後生仔邊行邊傾，感情好似幾好喎！
