全知言
金像獎民選影帝 青雲冇得輸
星期日（ 19日）就係第 34屆香港電影金像獎，今屆最緊張當然係影后之爭，由《雛妓》阿 Sa大戰《親愛的》趙薇，至於影帝有劉青雲憑《竊聽風雲 3》及《暴瘋語》兩個提名成為大熱！「最佳電影」就五套都好平均，冇乜邊套係贏梗喎！今期《 FACE》問了不少明星同街坊心水，影帝幾乎大比數投劉青雲，真係贏硬咁款喎！
馬德鐘最愛周迅
咁啱我睇咗《香港仔》，所以揀呢套做「最佳電影」；「最佳男主角」就揀吳彥祖，因為劉青雲攞過好多次，而吳彥祖都付出咗好大努力，應該要有鼓勵；而「最佳女主角」係周迅，呢個係我個人喜好！
最佳電影
《那夜凌晨，我坐上了旺角開往大埔的紅 VAN》
《香港仔》
《黃金時代》
《親愛的》
《竊聽風雲 3》
最佳男主角
彭于晏《黃飛鴻之英雄有夢》
劉青雲《暴瘋語》
黃渤《親愛的》
吳彥祖《魔警》
劉青雲《竊聽風雲 3》
最佳女主角
吳君如《金雞 SSS》
湯唯《黃金時代》
周迅《撒嬌女人最好命》
趙薇《親愛的》
蔡卓妍《雛妓》
可嵐 青雲最實力
「最佳電影」方面，我睇過又最鍾意嘅係《竊聽風雲 3》，如果拍得唔好都唔會出到第三集我知「最佳男主角」有好多靚仔候選人，不過我自己比較欣賞實力派，同埋細細個已經睇劉青雲嘅戲，所以揀佢而「最佳女主角」名單上個個都演技超卓，不過《雛妓》入面個角色係好難演譯，所以：「阿 Sa我支持你呀！」
Jeana 睇 8次《親愛的》
我嘅「最佳電影」心水係《親愛的》，呢套戲我睇咗 8次，好有感覺，又不停介紹朋友睇！選角揀得好好，同埋可以帶出中國嘅社會問題，所以係一套好好嘅電影！「最佳男主角」心水係劉青雲哥哥，因為佢係我嘅超級偶像，我鍾意佢演戲有好多層次，所以支持《暴瘋語》入面嘅佢！而「最佳女主角」會揀趙薇，佢真係做得好好，可以為套戲豁出去，尤其係化妝，可以做一個鄉村女人做到淋漓盡致，好佩服！
街坊撐阿 Sa做影后
阿康
「最佳男主角」揀劉青雲；「最佳女主角」揀周迅，因為佢啲戲本身都好出神入化，好投入；而「最佳電影」就會揀《竊聽風雲 3》，各方面都好出色！
|
鍾意就快D Share啦！
|
|
|
