網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月21日 星期四

快來快去 半年玩完 王敏德新鋪摺埋 [壹週刊 - 1315] 王敏德,M1,



直至截稿前,王敏德仍未就新鋪玩執笠作出回覆。

探熱針

快來快去 半年玩完 王敏德新鋪摺埋

香港零售業市場持續萎縮,王敏德卻勇字掛心口,去年底租下銅鑼灣耀華街旺鋪,售賣自家品牌 MW。當日新鋪開張,還請來已故天王巨星米高積遜( Michael Jackson)的三哥 Jermaine Jackson做開幕嘉賓。豈料新鋪開業不足半年,本月初已暫停營業,兼人去樓空。識做戲、唱歌、又曉揸飛機,多才多藝並不代表識睇住盤數做生意,王敏德貼錢示範!

自肥出事

過去十多年, Michael王敏德與不同品牌合作推出聯乘產品,眼見口碑與銷情成績亮麗,王敏德決定肥水不流別人田,推出自家品牌 MW賺男人錢。籌備兩年,最終揀中銅鑼灣耀華街,一個擁有特大玻璃櫥窗的千三呎地鋪,月租超過十五萬。

今年一月八日新鋪開張, Michael邀請各地好友前來出席,其中已故天王巨星米高積遜的三哥 Jermaine Jackson,更老遠從美國飛來香港做開幕嘉賓,當時王敏德滿腹大計:「下年會喺上海、北京開分店,我會慢慢 expand我個 brand!」豈料生意未擴充,已經捱不住銅鑼灣黃金地段鋪租要執笠,本月初單位已人去樓空,連當初放在櫥窗用作裝飾的寶馬電單車亦冇影冇蹤。「個鋪位只係有車流無人流,做 bar或者食市仲勉強撐得住,零售會比較難捱。」同區的地產經紀透露。

連同人工、鋪租、以及生產成本,保守估計王敏德損失超過百五萬,就新鋪結業一事向當事人求證,但王敏德至截稿前仍未有回覆。



本月初, MW已關門大吉,貨架空空如也。

去年底新鋪開始試業,老婆馬詩慧同大女曾落場為王敏德執拾櫥窗。

不愁出路

生意做唔掂,王敏德不愁無出路,早前氹掂黃栢高為自己出英文 EP後,十五年前考獲直升機牌的他,已儲夠飛行小時,並獲聘用為商用直升機 part time機師。一向追求品味生活的王敏德,早前孖住友人買咖啡粉囊,其間有講有笑,完全未有因為生意失敗而意志消沉。至於太太馬詩慧,本週日(五月十七日)帶同三個仔女一同現身 IFC買乳酪雪糕,有意在美國做 model的二女麗嘉身穿小背心,在人群中分外顯眼,一行四人在商場逗留廿分鐘,細仔躍穎夠眼利,發現有記者後叫家人離開,並坐渡海小輪前往尖沙咀。

新鋪只得半年貨仔,但並無影響王敏德同友人到中環買咖啡粉囊的心情。

身穿小背心的麗嘉同胞弟躍穎生得高頭大馬,令馬詩慧和大家姐曼喜睇落分外嬌小。

馬詩慧帶住三名子女一同坐小輪到尖沙咀。

損手離場

藝人鍾意過老闆癮,以為用自己做生招牌,可以靠明星效應殺出財路,雖然有唔少成功例子,但損手離場更加多。

王祖藍

11年,王祖藍、趙雪英以及無綫前高層陳佩華,於尖沙咀合資開糖水店,開業兩年便玩完,更欠下 32萬租金。

楊千嬅

99年,楊千嬅、羅嘉良及宣萱於沙田合資開果汁店,起初生意賺到盆滿鉢滿,乘勢追擊到銅鑼灣開分店,可惜因經營不善,兩店相繼結業,蝕錢離場。

莊思敏

13年,連環投資搞模特兒及經理人公司,不夠兩年,慘蝕二百萬,結業前三個月幾乎零收入,莊思敏唯有忍痛止血。

鍾意就快D Share啦!