網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月21日 星期四

18億地皮趕建大屋 徐子淇迎第四胎 [壹週刊 - 1315] 徐子淇,M1,



比起未大肚前,今次徐子淇只重了大約十磅左右,面部同四肢都依然保持纖瘦。

探熱針

18億地皮趕建大屋 徐子淇迎第四胎

已經有兩女一子的徐子淇,已再為老公李家誠佗住五個月肚,據知,第四胎是 B仔,但原來今次有喜並非計劃之內,純粹意外驚喜。

前三次大肚,徐子淇體重暴脹,都超過一百八十磅,唔想再做大肚肥婆,準媽咪決定選擇性進補,並盡量執行 organic飲食,為此,她更親自落手種菜。

又有孫仔抱的四叔李兆基最開心!為了迎接孫仔來臨,他下令年前用 18.2億投得的山頂白加道 35號地皮、用來興建三幢「天價」大屋的施工要快馬加鞭,以趕及明年入伙。

意外驚喜

結婚九年,徐子淇已經為李家誠誕下兩女一子,大女晞彤八歲,次女晞兒六歲,囝囝俊熹四歲,今次第四度懷孕,大肚五個月的她,據知又佗住「慈菇椗」,預產期今年九月。

雖然徐子淇一直都有計劃生四至五個小朋友,但原來今次並非兩公婆計劃之內,而是意外。

「 Martin(李家誠)同子淇一直都打算再生多一個,但佢哋個 plan係兩年之後,等個仔入埋小學先至生!子淇而家湊住三個已經忙到甩轆,好難再分到身,單係每日親自去唔同地方接送返學放學,已經要花好多時間;點知聖誕去完旅行返嚟冇幾耐,就發現有咗,呢份突然驚喜,兩公婆反而仲開心。」徐子淇身邊人說。

由於忽然有咗,徐子淇三月十四日和老公出席完 amfAR(愛滋病研究基金會)活動後,便謝絕一切公開活動,包括已應承了的卡地亞慈善活動,都要臨時缺席。佗 B未夠三個月,徐子淇穩陣,嚴守傳統做法,唔公開住。

今次大肚,徐子淇決定要食得健康,好多時都食自己親手種蔬菜。

今年三月徐子淇同李家誠出席慈善 Ball,原來當時她已經有咗三個月,難怪李家誠影相時,刻意攬實老婆個肚。

大肚落田

過去幾次大肚,徐子淇都會暴脹,三次佗 B,磅數都超過一百八十磅,超出平時體重足足六十磅以上,面形更圓到變 pizza,唔想再重蹈覆轍,今胎決定選擇性進補,又盡量選擇有機飲食,希望自己和 BB更健康。

今個月初,徐子淇一家與朋友到英國度假,其間她帶埋三個仔女到農場種菜摘菜,親子活動,她的大肚落田相,更被朋友上載到 facebook。

見到有咗五個月的徐子淇,身形不似過去佗 B時圓碌碌,面尖尖又唔腫,體重大約只多了十磅左右。

大住肚的徐子淇帶埋仔女到美國旅行,更搵埋髮型師幫她們三母女 set頭扮靚,而李家誠就做攝影師幫她們影寫真。



自從徐子淇開了 Ig後,不時上載仔女相片,當中包括囝囝俊熹爬繩網同上私人飛機相片。

各佔一幢

千億新抱再佗仔!最開心,當然是爺爺李兆基,為了迎接孫仔,一○年由李家誠負責,以 18.2億投得的山頂白加道三十五號地皮,四叔已下令要加多人手,盡快完工,希望趕及明年底落成。

根據屋宇署批出建築圖則,上址將會興建三幢三層獨立屋,據知,原則是可以興建四幢獨立屋,但四叔想保留更多戶外空間,讓孫仔孫女活動,所以最後改圖則,拍板四變三。

落成後,相信四叔自住一幢,長子李家傑同三胞胎(智信、智仁、智勇),李家誠一家各一幢,大家庭,兒孫滿堂。

四叔再度抱孫,加埋之前六個,總共有七個孫仔孫女,唔知佢使唔使湊夠十個?

徐子淇經常會約埋好友黎姿、鄺文珣等一班靚媽茶聚。

上個月李家誠生日,徐子淇幫老公慶祝,更一齊許願。

少孕味

這張相徐子淇原來已經有咗四個月,但個樣完全冇水腫,孕味極淡。

回索期

雖然生了三個,但積極修身的她回到百一磅。

高峰期

陀第一胎時,徐子淇體重升至一百九十磅。

天價地皮

為配合家族成員日益壯大, 10年,四叔李兆基一擲 18.2億,以私人名義投得山頂白加道 35號地皮,樓面呎價高達 6.82萬,破了全港賣地史紀錄。地面面積約 53,350呎,可建築面積則為 26,908平方呎,四叔打算將上址打造成李家自住的堡壘,計劃興建三幢三層高獨立別墅,每幢大屋樓面約有一萬呎。

10年李家誠親自出馬投得這幅地。

白加道地盤正進行趕工。

佗 B fit媽

唔想一發不可收拾,圈中不少星媽,佗 B時都會嚴格控制體重,務求身形唔會大走樣!

周汶錡

結婚三年, 40歲周汶錡年初宣布造人成功,佗住男 B七個月的她,長胎不長肉,臨盆在即,四肢依然纖瘦,早前她公開凸肚比堅尼照,身材甚 fit。

Cara. G

今年再度佗 B女的名模 Cara. G,早前出席活動興奮展示肚皮,佗住六個月肚,依然有腰形,健步如飛。

官恩娜

年初低調與拍拖六年的外籍醫生男友拉埋天窗,二人一擊即中,上月官恩娜宣布懷胎三個月,並證實是男嬰,早前 Ella出席公開活動,身形依然冇走樣。

Mandy Lieu

一直被傳佗 B的 Mandy Lieu,早前罕有於 Instagram上載一張大露背的火辣泳衣照,身形依然瘦削,而另一張被發放在社交網站的 bra top自拍照,腹部隆起,腹肌及人魚線仍然 keep得住。

鍾意就快D Share啦!