網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月21日 星期四

DaDa宣佈明年嫁大隻仔 盛品儒秘娶婚照曝光 盛品儒,陳靜,DaDa,溫家偉,大隻仔,





其他影片:>>






今日係5月20日,亦即係「520」,諧音「我愛你」,唔少人把握機會晒幸福,好似去年已經低調成婚嘅前亞視執行董事盛品儒同澳門銳思集團主席蔡一鳳(Michelle),今日忽然於網上晒註冊結婚圖輯,蔡一鳳更寫道:「兩年前的今天我們遇見了人生中重要的陪伴。相識兩週年快樂老公。520。」再加個心心emoji,tag埋盛品儒個名,大晒幸福。

其實兩人早於去年11月19日已經在港註冊,一對璧人透露將於10月8日喺四季酒店補擺喜酒。盛品儒接受《蘋果》訪問時也謂:「今日520,係我同Michelle相識兩周年,啲相係舊年紅棉道註冊影嘅,今日老婆記得就擺出嚟。」佢仲話:「520,我愛你,兩年前我搵到一生中最愛。」

呢pair就貼舊圖,另一pair——周秀娜師妹盧頌之(DaDa)與「大隻男」趙勁皓(King),就報喜喇。噚晚DaDa喺ig貼兩人合照,謂:「想從前,想現在,想未來。我決定一年後嫁人去。」兩人前年因拍《爆3俏嬌娃》而撻着,一開始已大方直認拍拖,依家更準備開花結果展開人生新一章,恭喜恭喜!

頭先DaDa接受《蘋果》訪問,佢話:「我想俾多一年自己喺事業發展,未知另一半會唔會係依家呢個。我想生小朋友,上年開始調理身體。」未知另一半會唔會係依家呢個?DaDa笑謂:「我都希望嗰個係阿King。」

左及中圖為蔡一鳳fb圖片。右圖為DaDa Lo與大隻King。 簽紙嗰陣就好緊張。 蔡一鳳fb圖片 簽完就晒v字喇。 蔡一鳳fb圖片
蔡一鳳fb圖片 盧頌之亦趁520呢日宣佈同大隻仔阿King嘅婚事。 (資料圖片)
DaDa ig
鍾意就快D Share啦!