網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月21日 星期四

置身事外 王征匿四季瘟仔 [壹週刊 - 1315] 王征,M1,



探熱針

置身事外 王征匿四季瘟仔

亞視三月底落實不獲續牌,執笠已成定局,午間新聞更宣布停播,數百名員工前路茫茫,但事到如今,「龜縮」王征仍拒絕現身交代事件。據知近年在內地搞地產的他,旗下的榮豐控股有限公司,因賬目不清被內地政府調查,遲遲不肯北上答辯的王征,索性隱身中環四季酒店,得閒就搵亞洲先生陪玩出海飲香檳,繼續逍遙快活。

內地惹麻煩

公司拖糧,股東閂水喉,亞視員工於是自組聲討大會自救,並要求王征現身作出妥善安排,但時至今日,王征一直神隱,只「聲控」執行董事葉家寶解決問題。

「其實王征一直都喺香港,因為佢喺內地惹咗麻煩,所以唔想俾人知佢喺邊。佢喺內地一直有做地產生意,不過公司盤數早排出咗問題,大陸政府要求佢返去交代,但王征拖得就拖,仲為咗避接傳票,已經冇住之前報住嘅地址,搬咗去四季酒店住。」知情者說。

王征及王暢分別在朋友圈上載同遊船河的開心照。

亞視執笠,王征唔見人,過氣高層盛品儒早前經常被邀做訪問,大講「前老闆」及亞視前景。

亞視唔夠一年貨仔,有指冇錢出糧的王征有意繼續搞亞姐及亞洲先生選舉吸水。

借完再借

據了解,王征自早年購入亞視後,在內地商界開始稍有名氣,他便趁機買地發展地產,不過亞視在他領導下年年虧本,就算王征有本事買入長春地皮,再叫埋亞生亞姐飛去當地拍特輯做宣傳,但長期「缺水」下,根本冇財力繼續發展。

「佢早排問肖建華(有千億庄家之稱)借咗三億,之後又問另一個朋友借咗五百萬,不過到而家都未還晒錢,出面以為佢爛船都有三斤釘,冇諗過追唔番。而家王征長期匿喺四季,就算出面點樣俾人鬧,佢都闊佬懶理,仲有心情叫啲亞生(亞洲先生)去玩,好似今屆亞軍王暢,王征上次出海都有預佢,王暢仲將啲晒肌相 po上朋友圈同人分享,兩個飲香檳玩得好開心。」知情者說。

袁潔儀、蔡國威等藝人,曾自組聲討會要求王征出來交代事件。

「亞視嘟姐」筱靖,去年以「出糧係天經地義」回應拖糧事件,隨即遭亞視雪藏,可見王征對人唔對事。

「隆胸亞姐」顏子菲早前接受訪問,大數公司要求她出席飯局陪客。

在王征的朋友圈,發現他經常發放在四季酒店的自拍照。

王征跟老友肖建華,現同住在四季酒店,擁過百億身家的肖建華,平日有六至八個女保鑣護駕陪出入。

有破壞 無建設

亞視逾半世紀基業,自 10年王征上場後,被他一鋪清袋,步向執笠困局。

罰款 100萬

亞視誤報江澤民死訊,被指是消息來源的王征即時劃清界線。曾任兩屆全國政協的他,疑因誤報事件被「搣柴」, 13年被剔出政協名單外,之後廣播事務管理局(通訊局前身)開始對亞視展開調查,最終揭發王征干預亞視日常運作,重罰亞視 100萬元。

明屈王維基

亞視在《六點鐘新聞》突然單方面宣布,亞視準備將控股權轉讓予王維基的香港電視,最後證實「流料」,搞到王維基要出面澄清事件。

拖糧破紀錄

亞視上月 10日承認 64項欠薪控罪,涉及 21名員工及約 80萬元欠薪,被判罰款 69萬元,為欠薪判罰的最高紀錄。由於辯方表示需要時間蒐集資料,將連同其他欠薪指控,於本月底續審。

鍾意就快D Share啦!