周汶錡(Kathy)同官恩娜(Ella)兩個大肚人妻，今日一齊出席店鋪酒會開幕禮，兩個仲當場鬥肚大，Ella 就笑指自己三個月，但都已經有Kathy個肚咁大。之後Ella仲自爆，BB係男仔，佢話︰「啱啱知道呢個消息，好感動，之前同老公改嘅都係男仔名，依家諗返都覺得理所當然。」
而距離預產期仲有兩個月嘅Kathy，今日都仲著高跟鞋出活動，Kathy話︰「只係著十五分鐘咋，之後真係會休息，少啲出活動。」問到老公之後嘅日子係咪會全程陪伴，Kathy就好sweet咁話：「咁當然」。之後Kathy仲透露會開刀生，因為佢好怕痛，不過依家諗起開刀都覺得痛，只想快啲搞點。
