世上只有媽媽好 最經典阿媽你又諗起邊個？ [FACE - 415] MF,

全知言

世上只有媽媽好　最經典阿媽你又諗起邊個？

《大時代》重播捲起回帶 mode，玲姐呢個養母角色

唔少人都感動，做阿媽角色幾時都搶鏡，分分鐘仲可以

攞埋獎，視后有李司棋，影后最近有趙薇。

加上母親節又到，諗唔到有乜節目同阿媽慶祝，不如陪佢重溫吓啲好媽媽角色，阿媽一樣冧㗎。

陳　瀅

最愛母親包容《響在耳邊近在眼前》

我心目中最 iconic母親嘅角色就係電影《 HYPERLINK Extremely Loud& Incredibly Close》（港譯：《響在耳邊近在眼前》）咁係 Sandra Bullock主演嘅，佢做呢個角色好好，佢就一直陪住佢個有病嘅仔，佢冇放棄過佢，無論個仔想做啲咩，媽媽覺得唔啱都會支持佢，我覺得母親就係咁囉，要不停去包容不停去支持。

葉佩雯

我鍾意李司棋喺《溏心風暴》嘅演出，唔係因為個母親嘅角色，係本身好鍾意李司棋，所以佢做媽咪嗰角色我就好鍾意，同埋汪阿姐之前做過《我的野蠻奶奶》咁我都好鍾意。

大契最經典　《溏心風暴》

郭偉亮

蘇杏璇夠忍辱　《新紮師兄》

我覺得《新紮師兄》梁朝偉個媽咪（蘇杏璇），個角色好深刻，嗰個角色由細湊到傑佬大好深刻，忍辱負重好慘㗎。

陳嘉恒

我反而最記得《溏心風暴》琴姐嗰角色，因為佢係屋企就係擔當住唔使驚，嫲嫲喺大廳。有咩事都係搵嫲嫲，所以當時日日都有追嘅，嗰陣佢個角色有啲唔開心嘅劇情自己都會睇到喊嘅。

琴姐夠淡定　《溏心風暴》

楊愛瑾

我自己覺得《親愛的》趙薇飾演呢個角色係好印象深刻，因為佢喺戲裏面為咗唔係自己生出來嘅小朋友，但都好有母性、好有愛心，周圍問人借錢好打動到我。

趙薇有母性《親愛的》

街坊揀媽咪李司棋大契最搶

雖然大台啲劇愈來愈少人睇，不過唔少後生仔都記得大台啲師奶劇媽媽，一台獨大就算啲劇幾差都一樣洗腦。李司棋嘅大契係深入民心嘅，可惜人哋都離開咗大台囉。

嘉穎 20歲

李香琴佢個樣夠仁慈，有時個 feel好慘。

Keith 22歲

做過 Halloween嗰個羅蘭，因為佢真係好型，好啱做阿媽。

Alan 20歲

最記得角色係大契，李司棋喺《溏心風暴》，因為佢唔想個二媽恰佢成家，佢用佢身份保護仔女，我覺得好好睇。

鍾意就快D Share啦！

下一篇 》