陳敏之幫襯同行 [FACE - 415] 陳敏之,MF,

去年底至喺天后開第一間自家曲奇餅店，話咁快就開咗分店，雖然只係租場地擺產品，不過成績算好好架喇！中新社圖片

全知言

陳敏之幫襯同行

去年結婚兼開自家曲奇餅店嘅陳敏之，上週四（ 30日）丟低老公 William，同個朋友喺中環行街 shopping，期間佢仲入咗間同行嘅餅鋪度買嘢食偷師！

當日敏之喺鋪頭入面逗留咗近 15分鐘，試食吓，同職員傾吓計咁，最後都見佢俾錢買嘢。離開時見到全知言仲心情好靚咁 say bye，全知言問佢買咗乜，敏之好快就答「朱古力，買俾屋企人食。」咁又係，明明自家店都係賣曲奇餅，買另一間鋪嘅餅返去，好難唔想像敏之係想偷師喎！

買完就嗱嗱聲離開時，見到全知言喺門口，敏之不禁嚇咗一嚇。

後來敏之好 nice咁回頭同全知言講，買咗朱古力俾屋企人食，買俾老公？「有份！」果然係好老婆！

鍾意就快D Share啦！

下一篇 》