女星童年照 考你認到幾多個 [忽然1周 - 1036] MW,

博出位

女星童年照　考你認到幾多個

前幾日，唔少女藝人趁住 6.1國際兒童節，喺微博大晒童年照。「女大十八變」呢句說話真係講得一啲都冇錯，呢班小朋友個個都咁趣致可愛，不過要你估番佢係邊位女明星，你又會唔會估到一頭煙呢？

其他影片：>>黃曉明劉亦菲細個撞晒樣？

踩上太空

1.呢位犀利喇，單憑佢驚人嘅肺容量，分分鐘踩吓踩吓……俾佢踩咗上太空！

條頸愈變愈長

2.單憑呢個樣，其實真係冇乜可能估到佢係邊個。不過可以俾一個好大嘅提示大家，就係佢條頸會隨住佢嘅年齡而「增長」！

細時生鬚

3.雖然佢細個擁有晒所有男仔嘅特徵，短頭髮、粗眉，仲……有隱約嘅鬚根！不過佢的確同大個個樣係一模一樣，最緊要佢依家係一位美「女」！

豪邁肥妹

4.估唔到呢位當紅花旦，細個嘅時候係咁肥嘟嘟，同埋…咁豪邁，會擘大對腳嚟坐。個樣其實都有 7分似，不過唔知點解大個會變得咁苗條同冇晒啲攣毛囉！

老土小美人

5.女神果然係女神，細細個已經生得眉清目秀。不過喺內地出世嘅佢……啲衣着就好有鄉土味囉！

苦過 dee dee

6.細個嘅佢同大個嘅佢，真係似得好交關！唯一差別就係個笑容，細個冇乜笑容，連開生日會都唧都唔笑，但大個之後反而日日笑到四萬咁口。

答案：

1.鄧紫棋（ G.E.M.）

2.薛凱琪

3.胡定欣

4.佘詩曼

5.陳法拉

6.關心妍

鍾意就快D Share啦！

下一篇 》