網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月5日 星期五

徐子珊有馬主關照 [忽然1周 - 1036] 徐子珊,子珊,MW,



徐子珊最近成日同老友梁浩然夫婦入場捧「金筷子」場,咁就俾佢識埋李文斌,仲有份拉頭馬,好威呀!

媽咪姐

徐子珊有馬主關照

自從有傳俾高 Ling攝位成功,徐子珊冇咗「殼王」關照,喺大台少咗發圍機會,不過就多咗時間擴闊生活圈子囉。睇佢依家得閒就同班馬主入馬場,又有機會落沙地拉頭馬,你估呢啲機會係人都有咩?







嗱,好似呢日媽咪姐同班姊妹入場行吓,又見到徐子珊企喺理文造紙老細李運強細仔李文斌附近。到第 10場李生名下嘅「包裝奔馳」出賽,徐子珊仲「 8、 8、 8」由頭嗌到尾,睇佢個樣比李文斌仲激動,真係交晒戲。哎呀,難怪咁受馬主歡迎,拉頭馬都帶埋佢落去

李文斌掛住用電話直播賽事俾爸爸李運強知,徐子珊就喺隔籬嗌「 8」號,為「包裝奔馳」打氣,最後真係跑出咗喎!

徐子珊恭喜李文斌又贏一場,睇佢個表情,似足電影《喜劇之王》嘅「初戀」樣囉。

鍾意就快D Share啦!