網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月5日 星期五

揭親密關係 梅小惠阮兆祥 聯名買樓 [忽然1周 - 1036] 梅小惠,阮兆祥,MW,



嫁唔出娶我。(設計對白)

我哋係情人知己。(設計對白)

梅小惠阮兆祥相識三十年,多年來彼此互相扶持,是情人知己。

娛樂喧

揭親密關係 梅小惠阮兆祥 聯名買樓

深夜重播電視劇《大時代》,令引退多年的藝人如邵仲衡、楊羚及吳詠虹等再次 hit爆外,也掀起尋回「失蹤藝人」熱潮。緊接《大時代》重播的《他來自江湖》中,當年十分搶戲的梅小惠,原來靜雞雞轉型做商界女強人。

十年前,梅小惠決心退出幕前,憑住努力及本身的人脈關係,近年擔任多個大品牌的顧問,成功轉型。為保知名度,亦偶爾擔任大型活動司儀。而在背後支持小惠的,是交情接近三十年的阮兆祥,兩人除一起搞生意外,三年前更秘密聯名買樓投資,關係千絲萬縷。

兩人於 2012年曾經合資五百萬,購下太子道青雲閣作投資用途。

梅小惠十年前決心退出幕前,轉向公關界發展,用了四年時間,擔任大品牌眼鏡的顧問。「佢用咗好耐時間洗底,因為佢嘅搞笑形象太深入民心,對擔任大品牌公關或顧問工作,總會有影響。」知情者說。

小惠除了努力,後盾更是相識三十年的「知己」阮兆祥。本刊近日發現,兩人在 2012年合資五百萬,購下太子道一個建築面積五百多呎、名校網內的單位,現已升值接近 40%,淨賺約二百萬。不過兩人早有協議,單位未到心水價前只會出租。據知該單位每月租金接近兩萬元,回報接近五厘。

三十年曖昧情

梅小惠與祥仔(阮兆祥)早在合作《歡樂今宵》時認識。 98年小惠與拍拖 13年的曾偉權分手,悲痛欲絕。祥仔便成為小惠的感情治療師,陪小惠行街、食飯及旅行散心。有傳當時祥仔甚至搬入小惠寓所,陪伴對方一個月,足見兩人情非泛泛。

雖然祥仔有個感情穩定的女朋友 Crystal,但小惠每次被追問感情事時都說:「五十歲仲嫁唔出嗰陣,祥仔會娶我。」更說:「佢(指祥仔)一日未結婚,我都有機會,如果佢結婚,我就搵個垃圾嫁咗去算。」小惠「講笑式」表達,也足見兩人關係曖昧。

去年祥仔拍廣告,小惠一手包辦幕後工作。

小惠去年破例「復出」,為祥仔的《 2014硬食博覽》做表演嘉賓。

早前小惠曾經為一間眼鏡公司擔任顧問工作。

關係千絲萬縷

本周二( 2日)下午,祥仔在九龍塘為新劇拍攝外景。談到與小惠一齊買樓投資,他說:「係呀!投資用,依家租咗俾人。我哋有好多生意都一齊搞,出年我開棟篤笑,佢會做統籌,我需要一個熟我嘅人去做。我同佢感情好好,之前嘅棟篤笑同演唱會都係佢搞,做得好好。」

問到怕唔怕女友詐型,祥仔則說:「唔會呷醋,我識小惠仲早過佢(女友)。我有介紹小惠俾佢識,生意啲嘢我唔理,交晒俾小惠。」本刊曾致電小惠,但截稿前仍未能聯絡上。

小惠話過 50歲前嫁唔出就會嫁俾祥仔,祥仔知道下年小惠就到 50歲時,即笑笑口話:「我同佢傾下先。」

祥仔與女友 Crystal的感情非常穩定。

小惠與拍拖 13年的曾偉權分手時,祥仔一直陪伴在小惠身邊開解他。

曖昧關係

男女之間有時總會有說不清的關係,圈中不少藝人都有曖昧關係,最終結局卻因人而異。

李香琴 譚炳文

今年 83歲的琴姐李香琴, 18歲時下嫁蕭仲坤,七年後離婚,之後琴姐再無拍拖。不過與譚炳文的緋聞就傳足三十年,雙方一直否認。

劉德華 梅艷芳

八十年代,有傳梅艷芳暗戀劉德華,兩人多次出席公開場合時都表現親暱。同時,劉德華又公開指關芝琳為其暗戀對象。不過,近年劉德華在訪問中指出,當年阿梅已經見過華嫂朱麗倩。

葉蒨文 林子祥

84年因合作歌曲〈零時十分〉而結緣,之後傳出葉蒨文介入林子祥的婚姻。兩人由合作至關係昇華,終在 96年結婚。

潘志文 苗可秀

87年在亞視拍《滿清十三皇朝之皇太極》,潘志文與苗可秀擦出愛火花,兩人的戀情長達七年。雖然最終分手,但近日又被拍下兩人相約購物的相片。

女藝人從商

女藝人當紅期相對比男藝人短,故她們有一定知名度後便會另覓發展,從商便是她們最愛的選擇。

陳妙瑛 被收購套現

2003年轉戰商界,經營減肥食品,先後簽廖碧兒、楊思琦及吳君如為代言人,最終公司被高價收購。

張玉珊 極速上市

2001年退出幕前並成立修身堂控股有限公司, 03年公司在創業板上市,成為最年輕的上市公司主席。

陳敏之 曲奇餅店

「索腿天后」去年開曲奇餅店,四個月後隨即開分店。聲稱已賺了七位數,希望今年內再開多兩間分店。

鍾意就快D Share啦!