年花百萬法國釀酒 廖碧兒揀男友：佢要識飲酒 [忽然1周 - 1036] 廖碧兒,MW,

雖然品牌已經營運 7年，不過由於酒地面積有限，葡萄酒產量不多，廖碧兒表明暫不打算公開售賣。現時她把酒存放在朋友開設的灣仔 Bo Innovation及中環 Fridge餐廳供客人享用。

娛樂喧

年花百萬法國釀酒　廖碧兒揀男友：佢要識飲酒

古語有云「美酒贈佳人」，現今娛圈就有佳人自釀美酒，佳人係邊個？就係久未在香港露面的廖碧兒。

近年主打外地市場的她，繼早前接拍中西合資電影進軍荷里活後，又將往新加坡拍外國劇，吸金力非常強。廖碧兒為了一償釀酒心願，除讀書進修考牌，更年花百萬營運位於法國波爾多的酒地。

自家品牌「 Bellavizio」（意大利文，意指美麗的誤會）屢次獲獎，廖碧兒成功踏出第一步，但她只為興趣不為賺錢，現時葡萄酒只放在朋友的餐廳供熟客品嚐。酒，令 36歲的廖碧兒重新出發，擇偶對象由識飲咖啡，變成識飲酒喇！

其他影片：>>廖碧兒陳豪遭投訴

每個品牌的葡萄酒招紙上都有自己的嘜頭，而廖碧兒的 Bellavizio品牌招紙上就印有不同品種形態的蝴蝶，除了做 signature之外，更可以用來區分出產年份。

加拿大長大的廖碧兒 01年參加華姐入行，來港生活前她滴酒不沾。當選冠軍後，有機會出席大小宴會，初嚐紅酒，為釀酒之路鋪下伏線。

日前，廖碧兒接受本刊訪問，暢言她與紅酒的關係：「初試紅酒嗰陣，我只係覺得呢隻好飲，呢隻唔好飲，望下張招紙咁囉！講到真係開始認識紅酒，係 08年去美國拍電影，機緣巧合去到美國 Napa Valley參觀並品嚐當地嘅葡萄酒，慢慢就愛上咗。飲得葡萄酒當然要去法國波爾多朝聖，令我識到我嘅啟蒙老師 Eric Boissenot。」

親手摘葡萄

廖碧兒一手一腳打造自己的品牌，每年葡萄收成時她都盡可能親力親為，由採摘、揀選至壓榨葡萄都落手落腳，她亦十分享受每個過程。

法國釀酒師收為徒

Eric Boissenot是波爾多著名的釀酒師，為全球 200多家酒莊擔任釀酒顧問，當中包括世界著名四大酒莊（ Chateau Lafite、 Chateau Latour等），二人的師徒關係始於一場緣份。廖碧兒表示：「當時我一個人去佢嘅葡萄園參觀影相，佢（ Eric Boissenot）見到一個亞洲女仔喺度影相，就過嚟問我做咩，仲同我研究相機，睇吓我啲相。佢知道我對葡萄酒有興趣，大家就開始交流，依家仲免費幫我打理我嘅酒地。」

愛酒之人都渴望擁有自己的酒莊，廖碧兒也不例外。不過一個好的酒莊價值不菲，打理功夫也要花不少心力，對於現在仍堅持演藝工作的她有一定的難度。她現時選擇在酒地釀酒，種植自己的葡萄，並由恩師打理。廖碧兒直言：「我嘅酒地喺酒莊內佔地好小，雖然有人幫手打理，不過釀酒呢方面我都盡可能親力親為，每年都飛返去 3、 4次，睇吓啲葡萄、天氣、地嘅狀態，收成嗰陣仲會親手採摘。除咗心力，每年都要投資七位數字，不過當製成品出嚟嗰陣真係好開心，乜都抵晒！」

廖碧兒曾於英屬哥倫比亞大學經濟系讀至 year 3，當年為選華姐停學，想不到這興趣令她再讀書，數年間她已考獲四級調酒師資格。不過她說要澄清：「其實四級並唔係指調酒師的級數，紅酒調酒師係決定一枝酒用邊幾種葡萄混合釀酒，四級就係指品酒資格，但係兩方面互有關係。」

親身試味

紅酒入桶後等待發酵，但每過一段時間調酒師都要開桶試味。擁有調酒師資格的廖碧兒亦親身試味。

葡萄酒出產後作品質測試，同時擁有品酒師牌的廖碧兒亦為白酒作氣味及味道測試。

屢次獲獎

2013年廖碧兒的品牌獲 Decanter國際葡萄酒大賽頒發最值得推介獎項。

2012年開始 Bellavizio獲得國際認可，連續 3年獲得 Decanter亞洲葡萄酒大賽銅獎。

美麗的誤會

Bellavizio出產自葡萄酒之鄉，波爾多的 Left bank，毗鄰著名四大酒莊。

廖碧兒 08年開始在美國納帕谷及法國波爾多釀造葡萄酒， 09年出產第一枝製成品，品牌取名為 Bellavizio，意大利文意思是「美麗的誤會」，近年廖碧兒將釀酒重心放在波爾多，美國納帕谷已暫停生產。

美國出產的白酒全部由 Chardonnay釀製；波爾多出產分為 Bordeaux Rouge（紅酒）及 Bordeaux Blanc（白酒），主要由 Merlot及 Cabernet Franc混合釀製，白酒則由 Sauvignon blanc及 Sémillon混合而成。

Kate Moss係酒友

電影殺青廖碧兒即回港小休，不過幾日後又要飛往新加坡，準備開拍全英文劇集。要同時兼顧事業及興趣，廖碧兒大呻：「真係冇時間！」

廖碧兒的出品屢獲國際認可，自家品牌成功打造成優質的象徵，就連劉嘉玲、溫拿、李克勤等都曾品嚐過她的酒。廖碧兒更自爆與世界級名模 Kate Moss是多年好友：「我未開始釀酒已經識佢，係由朋友介紹。佢不嬲都對葡萄酒好有研究，知道我釀酒就叫我俾幾枝佢試，佢好鍾意我嘅出品。每次有製成品我都會擺低幾箱喺相熟餐廳，等佢嚟香港嗰陣攞走。」

佳釀贏得口碑，不過廖碧兒表示未有正式零售的意圖：「雖然之前拎過幾枝出嚟做慈善拍賣，但我塊地面積唔大，每年出產量唔多，實際到我手嘅都係得幾千枝。自己飲同送俾朋友已經冇咗一半，拎嚟賣真係唔夠。雖然唔會做零售，但我有供應俾朋友嘅餐廳，如果想試下嘅朋友可以去試。」

星級 fans

Bellavizio出品絕對算得上精品，就連識飲識食嘅劉嘉玲同溫拿都試過，國際名模 Kate Moss每次來港都與廖碧兒摸酒杯底呢！

唔拍散拖想結婚

演藝事業打入國際，釀酒興趣又獲好評，但感情方面仍未有着落，廖碧兒擔心嗎？她說：「都想搵番個伴㗎！（男友要識飲酒？）唔會唔飲，大家有共同話題。我唔要拍散拖，啱就結婚，我都鍾意小朋友。不過依家啲時間真係唔夠用，要拍劇仲要抽時間去照顧酒地，冇時間留意身邊人。加上我俾人感覺強勢，真係唔易搵，睇緣份」女強人都需要有人呵護，年屆適婚年齡的廖碧兒，感情路上真的要加把勁。

打入荷里活

近年廖碧兒打入國際市場，早前她到大馬拍攝荷里活電影《蒸發太平洋》，戲中更與男主角「超人」 Brandon Routh有不少對手戲。

名人買酒莊

趙薇

2011年底，趙薇與老公黃有龍豪擲約 4,200萬港元收購法國波爾多 Chateau Monlot葡萄酒酒莊，酒莊佔地 7公頃。去年趙薇曾帶老友謝霆鋒於酒莊拍攝《十二道鋒味》。

姚明

中國籃球明星姚明，退役後轉型投資世界各地豪宅、酒店及酒莊項目。 2011年他於美國納帕谷收購酒莊，成立姚氏家族葡萄酒業公司，主打中產市場。

鍾意就快D Share啦！

下一篇 》