網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月5日 星期五

驚悉由𡃁模公司接管  Chilam欣宜 不滿降級 [忽然1周 - 1036] Chilam,𡃁模,欣宜,張智霖,MW,



滾熱辣

驚悉由𡃁模公司接管  Chilam欣宜 不滿降級

近年蕭定一打骰的「中國 3D數碼娛樂有限公司」毫不手軟簽藝人,單是 Chilam張智霖的加盟費已億億聲;另外又不斷開拍新戲,擴展娛樂圈版圖。

本刊日前收到消息,指蕭定一公司秘密與捧𡃁模起家、周秀娜乃股東之一的環球狂熱文化( GME)合併。蕭旗下的藝人及經理人部門,在不知情下,轉移由 GME接管。

據知一哥張智霖與欣宜不滿由上市公司藝人降呢,為𡃁模公司一分子;其他藝人亦不知就裏,誠惶誠恐。而有傳日內會以 2,500萬賣身俾蕭定一的胡杏兒,周二( 2日)出席活動時亦表示:「 um……暫時未簽。」

娜姐一家親

去年 12月 30日,中國 3D數碼舉行 3周年晚會,老闆蕭定一帶領旗下藝人祝酒。其實當時周秀娜已經有份影大合照,為合併埋下伏線。

瓣數多多的蕭定一,早年專注做電影發行,近年靠拍話題及色情 3D電影起家, 11年以《 3D肉蒲團》一炮成名,做出成績,更搞埋經理人部門力捧藝人。早年由他打造的整容三嬌 Freeze亦成功響朵。據知蕭定一更在北京、廈門、重慶等地開設戲院,擴展娛樂事業版圖。

Chilam或入股夢碎

撈得咁掂,難怪蕭定一簽藝人十分疏爽。去年 12月底他與張智霖續約,有傳續約費 1億,加簽 3年。本刊收到消息,蕭定一公司早前秘密與捧𡃁模起家的 GME Holdings Limited(環球狂熱文化)合併發展娛樂事業。 GME的股東包括周秀娜、其經理人鄺君賢( Roy)及前曼聯球星里奧費迪南。本刊收到一份由蕭定一公司發出的內部員工通知,指旗下整個經理人部門的所有員工,將連同僱傭合約由 5月 5日起全面轉移至 GME。事出突然,兩周前員工才收到通知,搞到人心惶惶。

這次經理人部門「被過檔」,一班合約藝人收到通知都非常意外。據知情者透露,「雖然張 memo話一切聘用條款維持不變,但突然將我哋過俾第二間公司管理,唔知公司係咪有咩問題,都擔心飯碗㗎! Chilam係公司一哥,最紅最有搵錢能力,但你知阿 Roy(鄺君賢)捧開𡃁模,今次咁轉一轉, Chilam覺得自己降咗呢,私底下唔開心!舊年 12月佢同阿一(蕭定一)續約嗰陣,阿一話俾埋公司 CEO個位佢做,仲話遲吓俾佢入股一齊賺錢,依家都唔知點咯!」

蕭定一近年在本地電影界投資甚多,旗下公司的經理人部門亦愈搞愈大。

通知藝人轉會

由蕭定一擔任董事的永霸投資,屬中國 3D數碼旗下的子公司,日前發通告給旗下藝人及員工,通知他們的合約已轉移到周秀娜的經理人公司 GME。

欣宜擔心前程

一哥地位

13年 9月 Chilam以 5千萬賣身三年俾蕭定一,數月後老闆更替他開了演唱會,彰顯地位。

去年簽給蕭定一的欣宜亦不知所措,當日她與 3D數碼傾約,最吸引她的條件是「不需減肥做回自己」,因蕭定一認為欣宜有「肥妹市場」,大有可為。今年他更為欣宜推出新歌〈你瘦夠了嗎?〉,此歌為欣宜度身訂造,講出她由減肥至現今翻脹 200磅的心聲。 MV在網上點擊率逾 50萬,迴響極大。

知情者續說:「欣宜真係好感激阿一,佢覺得呢個圈裏面明白佢嘅人好少,唔使佢減肥仲肯投資喺佢身上嘅老闆少之又少,所以佢好戮力幫阿一打工。但最近公司嘅變動令欣宜有啲氣餒。佢擔心阿 Roy接手後會有大轉變,你知 GME係做𡃁模起家嘅,周秀娜都係咁捧紅, Jeana同 Dominic都要靠拍啲情色電影先可以出名,同欣宜本身嘅路向好唔同。佢驚阿 Roy理唔到佢,分薄咗發展機會。」

胡杏兒有撻 Q危機

至於有傳胡杏兒日內會以 2,500萬賣身予蕭定一。周二( 2日)她出席汽車活動時,記者向她求證,她支吾以對說:「 um……未、未簽呀!暫時未簽任何一間公司。」

據知蕭定一旗下藝人如王宗堯、莊思敏等加盟費都過千萬,對於公司的人事變動,二人均表示不知情。王宗堯說:「我只知自己簽嘅係中國 3D數碼,而唔係 GME,總之如果到時喺管理同安排上有咩唔同,我都會出聲。」莊思敏直言有少少嬲:「都冇人通知我,有少少迷惘㗎!工作上唔知同邊個講?邊個負責?我覺得有少少 down grade咗同少少嬲,我想快啲知道發生咩事。」

記者致電 GME揸 fit人 Roy,他表示有安撫藝人:「我哋純粹係兩間公司合併,一齊發展,對大家唔會有太大影響。其實我同阿一都有同啲藝人溝通過,唔擔心佢哋有問題同不滿。」至於蕭定一則表示一切不變:「我之前開會已經同所有人(員工)親自講晒,又唔係話一日轉晒,慢慢嚟,俾啲時間過渡,反正我繼續喺度。(有冇安撫員工?)我唔明白點解要安撫?其實運作一模一樣。」老闆蕭定一派定心丸話一切無變,大家收到未?

難得唔使減肥

去年欣宜加盟蕭定一旗下,因有老闆聖旨「唔使減肥」,令她十分欣慰,更打正旗號以肥妹姿態出新歌〈你瘦夠了嗎?〉。

𡃁模教父接手

蕭定一把旗下藝人的合約轉移到環球狂熱文化控股有限公司( GME)。 GME近年在行內崛起,全靠行政總監鄺君賢( Roy)的慧眼。做過大台 PA及英皇經理人的他,成功捧紅周秀娜成為「𡃁模教父」,現時旗下藝人還有何佩瑜( Jeana Ho)、拍過《鴨王》的 Dominic及一大堆𡃁模。

當年 Roy簽了沒人問津的周秀娜,拿七十萬跟幾個朋友自立門戶成立 GME,先為娜姐接拍纖體廣告當街剝衫,結果爆紅。之後 Roy用成副身家為娜姐出寫真、賣攬枕,成功製造𡃁模浪潮,大半年便賺到第一桶金。

捧紅娜姐

周秀娜是由阿 Roy一手捧紅,當年他開創𡃁模之路,替娜姐出寫真出攬枕,最後周秀娜入股公司做老闆娘。

新 o靚模唔掂

娜姐竄紅後, 10年阿 Roy再捧「新 8模」組合,其中成功上位的是 Jeana(上排左一)及「模媽」 Mia陳靜儀(下排右一)。

親民老闆

阿 Roy對員工上下十分好,過時過節會聯同娜姐(左二)及「鴨王」 Dominic(右一) gathering,打成一片。

拍三級片發圍

蕭定一揸旗的中國 3D數碼娛樂有限公司( 8078)及永霸投資有限公司近年在本地影壇非常活躍,打從年前投資的《 3D肉蒲團》在港創下 4千萬票房,將沉寂一時的色情片再次帶到市場上,之後拍《一路向西》亦收 2千萬。繼上述等賣座電影後,蕭定一早前宣布推出手機及網上視頻平台「微.娛樂」,企圖在內地互聯網娛樂市場分一杯羮。

早前 HKTV劇集《導火新聞線》大受歡迎,蕭定一打算於今年 9月底原班人馬開拍電影版,有傳周秀娜與張智霖加入爭奪楊淇及王宗堯。

早前蕭定一與太陽娛樂合資開拍《十月初五的月光》電影版,洗米華亦有出現。

正在上映的情色電影《壹獄壹世界》,上映 4日累積票房 320萬,男主角王宗堯承諾票房過 4千萬即裸泳找數。

鍾意就快D Share啦!