熱爆娛樂: 收百萬禮金　張嘉兒嫁猛料老公 [忽然1周

2015年7月3日星期五

收百萬禮金　張嘉兒嫁猛料老公 [忽然1周 - 1040] 張嘉兒,MW,

Nathan除了金融工作之外，閒時亦會打羽毛球，據稱他的球技不錯。

滾熱辣

收百萬禮金　張嘉兒嫁猛料老公

07年豬扒港姐冠軍張嘉兒要出嫁了！

早前， 31歲的她在網上宣布婚訊︰「真係有命中註定 ga（㗎）！嘉兒找到"The One" Yes, I am getting married!」

嘉兒的 The One，未婚夫 Nathan劉原來來頭不小，他現職會計師、兼職金融，是早年捐地起舊啟德機場的何啟爵士第四代後人，家族當年富甲一方。張嘉兒嫁入名門做硬少奶奶，不但收百萬禮金，今年 9月更會在全溫哥華最豪華的酒店擺酒，非常風光。

其他影片：>>未婚夫太公勁過賭王

張嘉兒與未婚夫 Nathan原來早年已拍拖，後因異地戀結束 5年情，前年兩人在朋友聚會上重遇，愛火重燃，拍拖年多即計劃結婚。

嘉兒下嫁的 Nathan，他的家族非常顯赫。曾曾曾外公何啟，對香港甚有貢獻，除了是孫中山老師，當年還捐地建啟德機場，更興建香港首間為貧苦大眾提供西醫治療的那打素醫院。

Nathan除了背景猛料之外，家人在溫哥華列治文區亦有價值八百多萬港元的獨立屋。高大靚仔，身高 5呎 11吋的 Nathan今年 34歲，本來一直於加拿大的大機構任職會計師，後來與嘉兒愛火重燃後，便放棄了加拿大的高薪厚職，回流返港，現在於中環會計師樓返工。因為他在大學修讀經濟，投資甚有心得，一早已考獲基金經理牌，因此亦有兼職買賣基金及股票。婚後 Nathan會長駐香港工作。

Nathan家人在溫哥華列治文區的獨立屋，價值約八百多萬港元。

Terminal City Club為溫哥華最豪的酒店，正在拍攝中的全新一輯《 X檔案》，也曾在該處取景。租場費約 7萬港幣，酒店另計。

證老公名人之後

記者致電恭喜張嘉兒，她喜悅之情滿瀉。問她未婚夫是否何啟後人，她說：「我唔係太認識，不過聽佢媽咪講過，啟德機場個啟係因佢而來！我仲知佢做過孫中山個老師。所以我同未婚夫都話『以佢為榮，以佢做榜樣』，希望自己都做個有用嘅人！（夫家咁犀利，據聞收禮金成百萬喎！好幸福啫！）我哋都唔會跟太多中式傳統，有冇禮金都唔係最重要，只要當晚大家玩得高興就得嘞。」

據知籌備整個婚禮， Nathan一切以老婆行先，無論揀教堂行禮，甚至晚宴場地，都是由嘉兒決定。「 Kayi（張嘉兒洋名）同 Nate（ Nathan簡稱）都鍾意一切從簡。佢哋行完 church之後，就會去全溫哥華最豪華的 Terminal City Club擺酒。 Kayi鍾意嗰度個 hall夠 grand。今次主要請親戚同熟朋友，遲啲返港至請其他圈中朋友吃飯。」知情者說。

兩星期前，張嘉兒與一班姊妹團到日本旅行，老公 Nathan到機場送別老婆，忍不住咀啖靚老婆，十分痴纏。

張嘉兒早前與姊妹到澳門開婚前派對，還着住婚紗在酒店內做出各種俏皮動作。

婚前減 15磅

張嘉兒與老公 Nathan已鐵定在 9月 12日溫哥華舉行婚禮。結婚前幾個月，當然要 keep靚自己，嘉兒早在今年初已開始行山、跳舞、游水、打拳來 keep fit。 5呎 4吋半的她，努力減磅，由 120磅減到目前 105磅，面形由圓變尖，五官更標致，但 33C上圍卻力保不失，纏繞她多年的「豬扒港姐」稱號相信可以除名。

早前嘉兒孖住好友張美妮到尖沙嘴鴻運繡莊試褂。嘉兒試褂時，脫去牛仔外套， 33C豐滿上圍及 24吋纖腰盡現。試了三套褂後，她即問美妮及阿姨意見，最後扑槌揀了條「水晶裙褂」，訂造價近十萬元。

之後嘉兒就替媽媽、奶奶及老公睇長衫及馬褂。她問店員：「我老公大約 5呎 11吋，但我唔太鍾意黑色，老公係咪一定要戴呢啲黑色卜帽㗎？」將為人妻的嘉兒，幫老公睇衫都 sweet爆。

日前記者發現張嘉兒在旺角拿着一張海報。原來是她所讀的公共衞生科的畢業論文。

張嘉兒雖然減了磅，但是試褂時 33C身材亦即時彈出來，表露無遺。

宴請緋聞男友

張美妮除了陪嘉兒試褂，大婚當日亦會與老公 KK飛到溫哥華飲喜酒，而圈中亦有不少好友 mark定期飛過去飲。嘉兒話：「周美欣同戚黛黛都會做姊妹，伴娘就係我妹妹，朱凱婷同曹敏莉都會嚟。（當晚擺幾多圍呀？）大約請 300人，之後可能會喺香港搞個細細哋嘅 party，因為都有好多親戚飛唔到過去，搞掂一單還一單，溫哥華嗰個籌備中。（到時會唔會請緋聞男友金剛同鄧健泓呀？）唔……都會，不過有個條件，佢哋要帶埋女朋友嚟！」

除結婚人生大事外，原來張嘉兒今年修讀的公共衞生科博士學位也於年尾畢業，可謂雙喜臨門。不過嘉兒與 Nathan有共識，過一年二人世界後才努力造人。婚後他們會去拉斯維加斯同墨西哥度蜜月，真係快活過神仙。