| 祖兒拍真人騷拍到差啲中暑加胃痛爆喊，真人騷錢真係唔易賺呀！ | next 1/1 pre |
 | |
| 祖兒係林丹隊嘅一員。 | next 1/1 pre |
 | |
| 邊行邊同林丹取經。 | next 1/1 pre |
 | |
| 開波前拉拉筋。 | next 1/1 pre |
 | |
| 表現好風騷。 | next 1/1 pre |
 | |
| 打得唔錯喎！ | next 1/1 pre |
 | |
| 最後贏埋波添！ | next 1/1 pre |
 | |
| 同林丹合照。 | next 1/1 pre |
 | |
| 嘟嘴賣萌。 | next 1/1 pre |
 | |
| 祖兒 | next 1/1 pre |
天后容祖兒現身廣州體育學院拍攝內地真人騷《報告！教練》，即席跟眾人打羽毛球較量，期間她不慎被球打中額頭，但全程表現落力。除了無端端扮動物搞氣氛外，又即場表演拉筋，失波時又會嘟嘴表達唔開心，十分可愛。最後身為林丹隊成員的她，以3:2勝過李宗偉隊，得獎時坦言好感動，並多謝隊友及教練等人讓她感受不一樣的自己。
受訪時，祖兒笑言昨日首次感受到自己很臭：「因為尋日拍踢波，流咗好多汗，嗰套衫係乾完又着，着完又濕，循環咗五次，都唔敢叫人企我隔籬。」她透露節目將拍到9號，問到可會不捨得？首次拍真人騷的她坦言視節目為人生第二大挑戰：「最難嘅唔係運動，而係要接觸呢個新鮮嘅工作環境同人，而且真人騷有好多鏡頭，好似有十個Mani（經理人霍汶希）望住我咁、係唞唔到氣，冇喘息空間，同埋比賽當然唔想輸，所以都好大壓力，不過拍呢個節日都好似上咗一堂精彩嘅一課。（覺得自己合唔合格？）唔合格，可以再好啲，但啲工作人員話剪片見到嘅我，同平時舞台嘅我有好大分別，節目嘅我係初哥、唔熟悉、有好多甩漏，佢哋反而話咁樣好睇，所以都可以畀大家認識真實嘅我，自己都可以認識番自己，亦發現自己原來可以好脆弱，平時嘅我係咩都可以頂得住，幾大嘅舞台都唔怕，但呢個節目嘅鏡頭令我覺得自己好渣。（咁點抒發？）有時會忍，但忍得多會胃痛，試過有次仲忍唔住喊，始終呢度啲人係啱啱識，所以我就打咗畀助手傾。（唔打畀男友劉浩龍？）呢啲要喺現場環境親身感受先得，始終遠水不能救近火，而且返到香港件事都過咗，所以都唔會再講番件事。」
素顏被拍O晒嘴
堅強的她又指無想過中途放棄：「雖然有迷茫，唔知自己做緊咩，但都要繼續行條路，不過拍三個月真人騷真係難，所以返到香港同李克勤開會好開心，有人陪我有商有量。（怕咗唔做真人騷？）真係要諗吓，始終時間長，如果有特別嘢都可以再諗，但拍一次都夠。」講到節目中最難受的經歷，她坦言是拍攝第一日：「我因為有嘢做，所以比其他演員遲一日到，但拍攝第一日我一落機就已經有好多攝影機拍住我，但嗰陣我係冇化妝，完全O晒嘴，跟住拍咗一個鐘後，話畀時間我搞吓個樣，但點知過咗十分鐘左右，嗰邊已經催我，但我條眉淨係畫咗一半，眼都未化，未適應過嚟。」
腳傷嚴重咗：行路有啲怪
她又透露自己本身膝蓋已受傷：「雖然佢哋嗰邊都有睇住我，但我都唔可以揸流攤，所以腳傷都畀我幾大嘅煩惱。（傷勢惡化咗？）冇好到，依家唔止膝頭，連大髀都有痛，行路都有啲怪。」她又講到拍節目已預咗會流很多汗和臭：「不過拍第一次打籃球嗰陣，真係想暈，因為喺個場來回跑想嘔，前幾日仲差啲中暑。（有冇瘦咗？）本身都驚會唔會瘦得滯，但原來唔會，因為不停出汗就會不停食，同埋呢個月配合埋飲食，又有做gym，所以肌肉出番嚟。」
|
鍾意就快D Share啦！
|
|
|