鍾麗緹開通姊弟戀張倫碩：yes!
現年45歲的「性感女神」鍾麗緹（Christy）經歷過兩段婚姻兼是三女之母，依然魅力逼人，早前有傳她撻着33歲內地男星張倫碩，疑二人拍檔演出大陸真人騷節目《如果愛》時戲假情真擦出愛花火，昨日兩人在港會見傳媒，男方say yes認拍拖，Christy亦對張倫碩讚不絕口，無懼年齡逆差共譜姊弟戀，勇敢地愛！
鍾麗緹曾兩度結婚，1998年下嫁外籍丈夫Glen Ross，育有一女，但於2002年離婚，翌年下嫁台灣音樂人嚴錚，並誕下兩女，惜於2011年異離。雖然兩度婚姻失敗，未有打擊Christy對愛情的追求，最近她與80後嫩男張倫碩傳緋聞，因他倆合作真人騷節目《如果愛》日久生情，上月初更被本報拍到在港穿情侶裝蜜遊山頂。
「碩緹戀」好夾
昨日Christy與張倫碩在港會見傳媒，大方確認戀人關係，期間不時眉目傳情，拍照時有默契兼常有親密肢體接觸。Christy對於年紀比她細十二年的張倫碩讚賞有加，指他充滿陽光氣息及幽默感：「我同佢好夾，大家都鍾意運動同賽車，好合拍。」對於兩人年齡上的差異，她不認為是問題：「愛情係冇任何界限，無關年紀同國籍差異，最重要係夾。」間接承認「碩緹戀」。
有細路才懂愛
提到有網友質疑三女之母兼45歲的Christy與張倫碩年紀差距大，是否合適拍這類求愛節目？她捍衞愛情說：「唔明點解咁睇，任何年紀，就算結咗婚都需要愛情，點解40幾歲（女人）要襯個60幾歲（男人）先適合？年齡唔重要，最重要係兩個人係咪相愛同溝通到。」還自爆張倫碩與三名女兒相處融洽，張倫碩亦愛屋及烏地說：「我係獨子，對小朋友冇乜特別愛好，但同佢嘅小朋友相處過後，好鍾意佢哋，佢哋好易氹。」
Christy亦甜絲絲的大讚男友「真心又貼心」，當問到張倫碩對Christy是否真心？他公開表態：「Yes，Christy係完美女人，有小朋友先會懂得點去愛。我哋有年紀差距，大家適應就OK，反而重要係咪彼此相愛，年紀同愛冇關，愛係感覺。」
感謝上天安排
Christy感激上天安排有機會拍攝該節目而遇上張倫碩，問及二人的拍拖情況？她害羞地說：「你睇我個節目，就會感受到係真定假。（會否再婚？）要等上天安排，愛情對我好重要，我唔會為過去經歷而放棄去尋真愛。」今次參加真人騷，更令她反思愛情：「我以前對愛情義無反顧，不停為對方付出，但經過錄影過程，發現生活好漫長，夾先係最重要，我依然相信愛係好簡單，今次好難得有個男仔同我想法一致。我雖然係個單親媽媽，但無礙我對愛嘅追求。」兩人稍後會為節目到澳門取景，並挑戰笨豬跳，張倫碩指Christy畏高，她即說：「為愛就要勇敢。」兩人果然勇敢去愛！
文：名人組
張倫碩服裝：DORIAN HO HOMME
|
鍾意就快D Share啦！
|
|
|