靚抽王
Cap圖龍虎榜
美國同志婚姻合法化，邊個最開心/唔開心？
首先最開心當然係大愛同盟黃耀明同何韻詩啦，睇佢哋揸住寓意同志驕傲嘅彩虹旗，簡直好似剛剛驅除匈奴打勝仗咁。另一邊廂，好多 facebook用家為表支持，都將 profile picture轉晒做彩虹色，不過有人就覺得此舉如同「閃光彈」，於是又有人整咗呢幅圖應景。
在宜家迷失的毒男
至於黃之鋒，佢就由於身穿同網上一張常用毒男 cap圖同款嘅套裝，又試被高登巴打們恥笑。明明只係去買吓嘢，都掩飾唔到佢作為一個出眾男人嘅身份。不過之鋒果然係之鋒，絕對唔會好似建制派咁冇幽默感，佢喺臉書度直認自己外形好毒，仲貼番自己畢業晚會時嘅相，俾大家睇吓佢型棍嘅一面。而且大家請留意，佢個 profile picture都非常可愛，係一隻充滿靈氣嘅卡通河童。
齊齊去宜家
上星期宜家嘅「深宵瘋狂購物夜」，搞到成個商場逼滿人，加上香港社運寶貝黃之鋒都喺度，令人懷疑又係佔領運動。由於人太多，有市民企到暈，又有人排排下隊頂唔順走。呢單嘢，買到嘢嘅人遠遠唔及食花生嘅人多。
平日一打開 facebook同 WhatsApp，可謂 cap圖滿天飛， cap圖已經成為我哋生活嘅一部分。今期至 hit嘅 cap圖係乜？睇 Cap圖龍虎榜啦!!
|
鍾意就快D Share啦！
|
|
|