網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月3日 星期五

不忿母親全天候監控 龐景峯怒啤郭秀雲 [忽然1周 - 1040] 郭秀雲,MW,



郭秀雲對兒子龐景峯的控制慾極強,多次搶答,搞到囝囝怒啤,擺明唔 like。

娛樂喧

不忿母親全天候監控 龐景峯怒啤郭秀雲

郭秀雲兒子「錢景峯」,最近簽了 East West Artist,成為吳建豪及蕭亞軒的師弟,進軍樂壇。近日,郭秀雲與前夫錢小豪因為兒子入行掀罵戰,令囝囝慘變磨心。

上周六,奉母之命改姓的「龐景峯」,在媽咪郭秀雲監控下召開首個 MV記者會。本刊記者訪問他,惟每每他想回答時,郭秀雲都不停搶答,令在旁的龐景峯十分冇癮,多次怒啤母親,以示不滿。不過,對於生父錢小豪,他卻處處維護。







近日忙於錄音的龐景峯,上周六為首個 MV召開記者會,明明是當日主角,不過,風頭卻被星媽郭秀雲完全蓋過。

13年

一年前龐景峯仍然是肥仔一名,經由韓國經理人狂操之後,現在已操到一身肌肉,跟韓國男星無異。

媽咪事事搶答

當日本刊記者亦深深感受郭秀雲的霸氣。每當記者詢問龐景峯,郭秀雲總一手攔住,令他即時收聲。記者問龐景峯對生父錢小豪的感覺,兒子未開口,郭秀雲已經搶住話:「我哋根本冇罵戰,所以佢(指兒子)亦冇需要答!」連問題都未聽清楚,就截停個仔,十分霸道。

記者再問龐景峯:「你同公司幾時簽約?」郭秀雲馬上說:「間公司係我搵到嘅,好好㗎,但未方便透露太多。」被截停幾次的龐景峯,曾多次以「怒啤」眼神作無聲抗議,但郭秀雲卻一於少理。最後龐景峯終於忍不住投訴:「阿媽,你俾我講啦,我好似乜都冇講!」此時郭秀雲才肯收聲,但未幾又再故態復萌。郭秀雲硬搶兒子風頭,又滿場飛「招呼」各傳媒記者,令記者議論紛紛:「乜郭秀雲搞到個仔成個裙腳仔咁㗎!」

對母親黑面的龐景峯,談到生父錢小豪時,語氣當堂冇咁忟憎:「爸爸是很少見,因為我成日唔喺香港!」原來兩父子上一次見面已是半年前,但龐景峯仍大讚父親︰「佢係非常好嘅演員,好專心去做佢嘅工作!我冇嬲佢冇時間陪我,佢始終係我爸爸。」

記者會當日,龐景峯送給 MV女主角、前韓國女子組合 After School成員嘉熙的禮物,也是由郭秀雲負責揀的。

錢小豪與郭秀雲最近為了龐景峯進軍韓國的事吵架,郭秀雲大鬧前夫抽水,更插爆對方冇俾贍養費。而錢小豪則反指郭秀雲霸住個仔。

不介意幼弟得寵

對於錢小豪偏心同父異母的弟弟,龐景峯絕無呷醋,更趁着霸氣阿媽不在旁,悄悄對記者說:「細佬仲細,爹哋俾多啲時間照顧佢係應該。我都大個, 24歲可以獨立了。」對於父母罵戰,他無奈說︰「之前我不在香港,否則都會做和事老。」

對於改了五次名同姓,龐景峯不置可否,只謂:「無論人點叫我都好,我都係我自己,而且我依家已經行緊我自己路(指簽約韓國經理人公司),唔想再講以前有關屋企人嘅嘢」

儘管 24歲的龐景峯已成年,郭秀雲仍對他全天候監控,令兒子慘被嘲「裙腳仔」。知情人說︰「阿峯好遷就媽咪,但其實係怕咗佢。因為佢媽咪日哦夜哦,所有嘢都要插手,尤其關於事業嘅嘢特別緊張。阿峯雖然唔鍾意,但一直都是敢怒不敢言,因為之前試過同媽咪撐,不但冇用,仲俾對方省到一面屁。早排佢媽咪同錢小豪公開罵戰,佢好唔開心,私下都叫過佢媽咪收口。佢同老竇雖然見得少,但關係唔差,兩仔爺有偈傾㗎!」

家和萬事興,誰欠誰都過去了。為了兒子,郭秀雲似乎應該學懂放下,對前夫的怨懟也好,對兒子的控制慾也好。

郭秀雲 02年下嫁鋼鐵大王龐傑(左一),錢景峯與後父的關係不錯,直至近日他更索性跟後父姓。

錢小豪對幼子錢穎德寵愛有加(圖),卻很少見大仔龐景峯。不過龐景峯仍然維護生父,足證父子情不錯。

霸氣星爸媽

娛圈容易學壞,不少星爸星媽都對自己子女管教甚嚴,兩代之間難免有衝突。

吳鎮宇 惡死鬧仔

去年鎮宇攜愛兒 Feynman參加內地真人騷《爸爸去哪兒 2》時,曾多次在鏡頭前惡死鬧仔。豈料 Feynman在新西蘭一站時意外撞爆眼角,需送院更要縫針。為了這件事鎮宇向電視台開火,指他們沒有跟他談賠償,更在談及此事的訪問中擲咪及拆咪牌。

Rosemary 母管財政

為了管教 14歲入行的 Rosemary,其母 Julie不但控制了 Rosemary的財政,連她選男友也要過問,因此 Rosemary曾兩次跟媽咪反目,甚至公開向傳媒吐苦水。

成龍 大義滅親

成龍向來家教甚嚴,自從房祖名吸毒入獄後,對他的管教就更加變本加厲。最近成龍出席國際禁毒日時把口唔收,話入獄令房祖名改變很大,希望他每半年都入去坐一次。

減肥入娛圈

龍小菌

出道之前的龍小菌曾經試過 250磅,為了配合她「除罩」現身,更展開地獄式減肥。在以真面目示人之前,她減去 125磅肥肉,由豬扒變成索女。

鄭欣宜

欣宜由細到大都是肥妹仔,她出道前,曾經找張玉珊幫她減肥。雖然一度成為瘦身界的神話,可惜後來欣宜身形再翻脹,近年更諗通,唔再減肥,靠靚聲做歌手。

鍾意就快D Share啦!