靚抽王
歌手咪嘴進化屎
「咪嘴」——即係歌手唱 live時唔係用真聲，而係播音樂夾口形。無可否認，如果逼你去聽阿姐唱現場「經過那些年」，你為咗自保，可能真係寧願聽佢咪嘴。不過對一個專業歌手嚟講，唱現場梗係要好似陳奕迅喺今屆金曲獎咁，連唱 26首歌，唱到網上廣傳，歌手叫好之但係，以前咪嘴呢，歌手俾人鬧；依家呢，就係歌手鬧人，唔信？睇番呢幾年嘅紀錄：
2015年
事件：吳若希（ Jinny）出席節目《明愛暖萬心》獻唱《武則天》片尾曲〈眼淚的秘密〉被發現咪嘴。
外間評論：被網民指「違反歌手道德」、「欺騙台下觀眾」。本來唔出聲應該冇事，但係吳若希竟然喺 Instagram回應，話啲人「唔知頭唔知路」，似乎暗指自己病緊所以先要咪嘴。結果？結果當然係俾人鬧多幾錢重，再抽多幾次水囉！
2010年
事件：王菲喺《 2010年央視春節晚會》獻唱，被質疑咪嘴。
外間評論：有網民認為片段入面嘅音樂同王菲口形唔夾，而且整個過程冇一個觀眾席鏡頭。不過亦有人認為只係王菲唱得太完美，令人難以相信係唱 live啫。
2009年
事件：棒棒堂喺香港舉行演唱會，爆出咪嘴疑雲。
外間評論：一向敢言嘅黃貫中話棒棒堂係「專業咪嘴」，仲話「三年後你仲喺圈中先同我講」。最後俾棒棒堂粉絲喺網上攻擊，更重要係，之後棒棒堂果然解散。
進化屎
萬物都有進化軌跡，藝人如是，惡搞如是！
|
鍾意就快D Share啦！
|
|
|