全城熱爆的娛樂八封新聞 & 時事趣聞 & 生活 + 趣聞
中環人多，亦有唔少拖喼黨，大肚官恩娜呢身打扮，危機四伏。
女人粗身大細，行動點都冇咁方便，安全計，多數選擇著平底鞋出入。今年同醫生老公 Domingo結婚生仔打孖嚟嘅官恩娜，出 function踩四吋踭點都要靚，但自己出街就唔會咁姿整。早幾日《壹》仔喺中環見到十月生得嘅大肚婆，佗住六個幾月巨肚，由皇后大道中撐上雲咸街。
踢拖趁長裙，官恩娜健步如飛，但佢條裙長到幾乎拖地，咁嘅長度，其實好易自己一腳踩到，加上中環人多路障多，稍為有人行貼踩中就出事！大肚婆，避忌吓好喎！
早排同老公去泰國度假晒肚影比堅尼相嘅官恩娜，見到鏡頭不忘笑晒揮手。
