夠唔夠？（設計對白）
探熱針
鄧麗欣解封裸背
入行十五年的鄧麗欣（ Stephy），形象鄰家女孩，就算出寫真極限露半背，好錫身！將踏入三十二歲， Stephy決定作出突破，在自編自導新歌《分手的情書》 MV中，解封裸全背。
著少塊布
死守玉女界線形同自殺，年過三十後，鄧麗欣開始逐步解封，繼大半年前在《戒心》 MV中玩血腥暴力，新歌《分手的情書》更以性感示人。 MV中的 Stephy終於肯著少塊布，裸背演出，事先並未有向「老公」方力申申報。
拍攝當日， Stephy被六、七個猛男十幾對眼睛盯住晒背，毫不尷尬，以往有參與作曲填詞的她，今次更主導 MV拍攝，自編自演。
「個 concept係自己諗， MV入面睇到字幕打喺我身上，又將啲字寫喺枱，係一種自言自語嘅表達；代表冇乜人同我溝通，冇辦法表達出嚟嘅感覺。」鄧麗欣說。
十年見證
去年簽約太陽娛樂後， Stephy主力在電影方面發展，最近更與「老公」方力申合拍葉念琛新作《紀念日》，鐵三角組合相隔七年再現。
「部戲係葉念琛愛情系列十周年作品， Stephy同小方嘅《獨家試愛》、《十分愛》、《我的最愛》三部曲亦係系列中嘅經典，見證住佢哋拍拖十年，在公在私，都好有意思，所以大家都好重視呢個 project。」劇組人員說。
露得醒
要吸睛，剝係最直接同有效果，不過，齋晒肉唔夠，仲要有橋，先有話題。
|
鍾意就快D Share啦！
|
|
|