鍾嘉欣同伍允龍關係，撲朔迷離，唔係話兩人認唔認拍拖，而係究竟佢兩個係咪分咗手。介入嗰個，盛傳就係合拍過《巨輪》傳撻着嘅陳展鵬。
早前有傳兩人8年情因陳展鵬介入而告吹，但當事人一直未有回應。最近有指無綫為力谷收視，有意將3人擺上枱合作拍劇，結果只有伍允龍同陳展鵬合作演出，嘉欣BB退出。
今日伍允龍同陳展鵬喺將軍澳進行訓練，情敵碰頭份外注目，表現大方嘅伍允龍，被問到同陳展鵬見面會否尷尬，佢話：「唔會，我哋都係啱啱認識，我覺得合作會愉快。」
今次係伍允龍首度拍劇，有無向女友鍾嘉欣請教，佢好老實咁答：「冇呀，我哋都有一段時間冇見。」…… 吓……？
言下之意，係咪8年情斷？伍允龍只係話：「我哋係朋友！」亦表明唔怕喺電視城同嘉欣相遇：「見到朋友唔會驚。」
相比之下，陳展鵬表現尷尬一直迴避問題，再三追問下，佢連講3次「點會尷尬啫？」再謂：「0依家件事又唔係真，點會尷尬啫？好奇怪。」
既然係唔尷尬，咁問佢會否同伍允龍切磋功夫？陳展鵬依舊避談，只稱同劇有好多武指同師傅，有時間可以自己練習。後來再問日前喺中環與之同車女士嘅身份，佢即寸爆謂：「嗰個女仔？你問佢喇，唔好問我，點解我要講嗰個女仔係邊個？」
其實早喺今年5月，已有報道指嘉欣BB同伍允龍分手，當時個版本係話女方嫌男友事業沒起色，加上偷偷搭上因拍劇而漸生愛火嘅陳展鵬，擦出愛火，喺拍劇時又拖手又玩推背脊，出埠擔任歌唱比賽評判期間亦一起到超市購物，儼如情侶一樣。之不過咁，嘉欣BB向來對感情都好「死心眼」，即係專一，所以嗰陣有另一版本係話，嘉欣BB為保事業先至同伍允龍「假分手」，因此令到陳展鵬覺得有「被玩」之感，「報復」式偷嗒前亞姐樓茜妮同龔嘉欣，更喺上海有個妙齡女友，嘉欣BB知道後即時大發雷霆嗌分手……
估唔到兩個人嘅事，變成6個人嘅事，關係真係晒到可以開拍《巨輪3》!
相關新聞：
陳展鵬上環炒車 鍾嘉欣落車狂奔
http://bit.ly/1J859gY
認冧鍾嘉欣想上馬
陳展鵬：抽番出嚟有難度
http://bit.ly/1Nulf44
【硬攝陳展鵬】鍾嘉欣被搞三角戀
大台搵奀星男友拍劇谷收視
http://bit.ly/1TAf45I
|
鍾意就快D Share啦！
|
|
|