林師傑雖然已經公開同歐陽巧瑩拍拖，但兩人見到記者都好尷尬，歐陽巧瑩更全程冇出過聲！
封面
做完愛．回家冇嘢撈 林師傑水中磨爆新波霸
新一季《愛•回家》雖然加入翠如 BB同張繼聰，但依然被觀眾插爆唔好睇，要求第一季原班人馬回歸。
27歲「木偶哥」林師傑雖然負面新聞多，勝在角色夠入屋，入行 5年都叫有人識，可惜自從冇得拍《愛•回家》，林師傑的工作量同人氣直插谷底，近乎打回原形。
唔使開工，林師傑上週同港姐女友歐陽巧瑩到淺水灣嬉水，兩人又攬又啜搞足 3粒鐘，木偶哥對住 34C女友情不自禁，落水磨爆，嘩！公眾地方又係公眾人物檢點啲好喎！
食女無數的林師傑，入行 5年戰績彪炳，何雁詩、鄧穎芝及湯洛雯等都曾經成為他的集郵對象。早前因懷疑同𡃁模 Gwen車震，而被前度鄧穎芝數臭的木偶哥，話咁快就溝到新女、 13年港姐歐陽巧瑩，兩人早前公開認拍拖，女方更已火速搬到男友的西貢村屋同居。
淺水灣真人騷
有傳歐陽巧瑩的港女性格辣㷫林師傑父親，令林父被迫獨自搬開住。阿爸唔高興，但瘟女大過天的木偶哥一於少理。上週一(3日)，林師傑同女友歐陽巧瑩現身淺水灣海灘，二人戴住同款太陽眼鏡嬉水， 34C歐陽巧瑩身穿三點式，盡顯黑色乳牛威力！
有水玩有女攬的林師傑非常享受鴛鴦戲水，一時拎出電話自拍、一時抱起女友纏綿，情到濃時更埋牙激咀半分鐘！期間林師傑將女友攬到實，又一度玩女上男下，將頭埋喺歐陽巧瑩心口，真係睇見都覺得窒息。由一點幾玩到四點幾，搞足 3個鐘的木偶哥要上水回氣，決定執嘢返西貢同居村屋再續下半場。
父母周星馳同學
拍《愛•回家》時收入同曝光率相當穩定，可惜新一季冇預林師傑，木偶哥現時得番《勁歌》主持一個 job，大把時間同女友周圍 hea。
參加 10年《超級巨聲》入行的林師傑，雖然外型歌藝演技都相當一般，不過因為後台強勁，先有機會拍《愛•回家》入到屋。林師傑的父母林道權及韓珍均是第 11期訓練班，同學是周星馳、梁朝偉，林父雖然後來轉行做地產及汽車零件生意，林母則轉做投資銀行高層，但二人仍與不少圈中人相熟，大台珍姐曾勵珍便是林母的好姊妹，拍心口照顧世姪，最弊余詠珊現時揸晒旗，珍派的林師傑要再發圍唔係咁易。
唔認結婚對象
冇工開，最好就梗係瘟女林師傑回應時都承認放緊假，又話同女友連體嬉水好開心，不過就唔肯認定對方係結婚對象。
F：《 FACE》 林：林師傑
F：好 sweet喎！
林：係咩？應該嘅！
F：兩個好似接吻魚！
林：放假吖嘛！你哋咁啱撞到定有人報料？
F：係咪當大家係結婚對象？
林：咁又太早！穩定囉！開心呀！
水中攬錫確係幾 sweet，不過木偶哥個底有幾花係人都知，歐陽巧瑩都咪咁早開心呀！
木偶哥 seem like fun
入行 5年，林師傑負面新聞一單接一單，緋聞更加厚過電話簿，做新一代食女王當之無愧！
新一代咪神胸降大台
大台花旦走得快好世界，今時今日要搵個擔到大旗都好難！唔想收視好似楊紫瓊啲鈣質咁流失，梗係要想辦法捧新女上位！呢 8個被封「新一代咪神」嘅新人，你又識幾多個？
張秀文 34D
一樣叫 Sammi，不過身材就立體過鄭秀文好多囉！
採訪、撰文：娛樂組
攝影：娛樂突發組
|
鍾意就快D Share啦！
|
|
|
