2015年8月12日 星期三

中晒箭 懶到死是非精 張名雅鬼同你記劇本 [FACE - 429] 張名雅,MF,



雖然張名雅成日累人遲收工,不過喺大台工作不斷,出騷又拍劇,早前仲去船 P,大晒 34C噴血身材。網上圖片

真面目

中晒箭 懶到死是非精 張名雅鬼同你記劇本

表面同你 selfie自拍,唔等於我 like你,好似剛大結局嘅《鬼同你 OT》,辦公室入面原來好多是非,矛頭仲指向劇中演發姣 OL嘅港姐冠軍張名雅,話佢喺微博講到自己好勤力,實則成日唔帶腦返工,又唔記對白搞到成日 NG,試過一場一頁戲、拍足兩個鐘。一班演員亦冇否應,其中同張名雅最多對手戲嘅大隻仔溫家偉仲話:「我唔識講呀,你唔好問我啦。」係囉!點答你啫!

阻人收工如殺人父母,張名雅下次記熟啲劇本電視畫面

27歲張名雅雖然係 12年港姐冠軍,不過鋒頭一直被同屆亞、季軍朱千雪、黃心穎過晒頭,但近年花旦走得就走,大台冇晒人,張名雅亦開始劇接劇,最近的《鬼同你 OT》除咗主角搶鏡,一眾綠葉亦生鬼,其中張名雅喺劇中飾演發姣 OL、經常對大隻仔溫家偉放電,表現不過不失。

一句對白都記唔到

拍劇入屋,但《鬼》劇台前幕後都原來好驚張名雅,有助導爆料:「佢成日喺微博,影晒啲劇本出嚟,講到好似好勤力咁,根本上就冇睇過劇本,一句都記唔到,搞到成日 NG。」最慘係大隻仔溫家偉,同張名雅唔少對手戲,試過一頁戲拍足兩個鐘,他說:「我唔識講呀,你唔好問我啦,不過 NG有好多原因嘅,未必關佢事嘅。」而劇中同張名雅做好姊妹嘅李綺雯就話:「吓?我唔記得喎,唔好問我咁耐嘅嘢啦。」而張名雅當然唔認:「我記性其實幾好㗎,冇特別 NG喎,我有做足功課㗎,咁埋位前要試位,咁打燈各樣嘢都唔係一次 OK啦。」

張名雅俾人圍插,但據她身邊人爆料,原來其他演員都唔係好勤力,「試過有場戲,大隻仔同張名雅等其他人拍完先埋位,結果其他人不停 NG……佢哋就由天光等到天黑,要擇日重拍!講真個個都 hea啦,係唔知點解淨係針對張名雅啫!」好彩張名雅對手係大隻仔,唔係洪永城啫,唔係就俾人當面鬧

溫家偉:我唔識講,你唔好問我 NG唔係全部關佢事嘅!真實對白

大隻仔同張名雅對手戲最多,亦係成日被佢累到遲收工。

李綺雯:吓?咁耐嘅嘢,唔好問我真實對白

李綺雯同張名雅有唔少群體戲,佢就話唔記得喎。

C君:我就冇留意喎,你問大隻仔就清楚真實對白

C君就話冇留意張名雅有冇累人遲收工喎。

何遠東:我哋冇孤立佢喎,大家有一齊食飯!真實對白

劇中肥仔東出名順得人,咁佢當然唔覺張名雅有問題啦。

《鬼同你 OT》除張名雅外,劇中一眾演員關係都唔差,經常喺微博晒自拍。網上圖片

張名雅出身中產,平時揸 Benz代步,早前被拍得同一名揸瑪莎拉蒂跑車男子拍拖行名店。《蘋果日報》圖片

劇本做樣

張名雅成日喺微博影劇本,又講到自己好俾心機記劇本,實則就懶到出汁,經常要對手提場。網上圖片

網上圖片

黐一線

據 PA爆料,張名雅經常鍾意黐陳豪同田蕊妮等,成日同啲一線搏 friend。網上圖片

後上發力

港姐冠軍唔等於大把嘢做,張名雅同屆出身嘅港姐朱千雪、黃心穎同湯洛雯個個發展都好過佢,不過大台冇人,張名雅肯做都一定有嘢撈嘅!

黃心穎選完港姐後,即派去綜藝節目做《學是學非》主持,成為宅男女神。網上圖片

湯洛雯當年六強止步,但拍《愛.回家》飾演思思成功入屋,多人識過張名雅。網上圖片

當年如果唔係「冧 server」,朱千雪應該係冠軍,咁有觀眾緣,大台即刻安排佢拍劇,?家更已經係女一添!網上圖片

鍾意就快D Share啦!