2015年8月12日 星期三

肥得開心 大台唔珍惜 開餐廳鋪路 苟芸慧:錢買唔到快樂 [FACE - 429] 苟芸慧,MF,



苟姑娘 6月拍完《 EU超時任務》即離開香港,去珠海狂操車,連該劇煞科宴都冇去。當時肥嘟嘟未修身,但五官仍然標緻。

真面目

肥得開心 大台唔珍惜 開餐廳鋪路 苟芸慧:錢買唔到快樂

大台小生花旦個個唔想留低,有吸金力嘅北上,就算留低亦諗緊出路,好似因為甲狀線問題而被逼停工嘅苟芸慧,最近同大台請咗幾個月假,養病之餘,仲玩賽車勁炒幾乎冇命!

除咗賽車,原來苟姑娘仲過緊老闆娘癮,她與友人合資的餐廳已開業兩個月添!至於會唔會再拍劇,佢就話唸下先,仲話:「錢買唔到快樂!」其實買到㗎!苟姑娘!

最後回憶

苟姑娘喺微博話「最後僅剩的美好回憶」,好似想離巢咁喎,不過佢話真係慎重咁考慮緊。

32歲苟芸慧原本靚絕大台,自 13年開始因甲狀綫問題,身形體重勁升,苟姑娘為此被迫減產,最近拍完新劇《 EU超時任務》又再消失,原來她向大台請假數月休息。上月尾神奇地出現珠海賽車場,參加太陽娛樂舉辦的蓮花盃賽事,更發生炒車意外。

炒車冇驚過

炒車好彩冇傷身,但苟姑娘未驚過,已考獲賽車牌的她更表示想成為賽車手,據知她已經揾咗私人教練,嚟緊幾個月會特訓,她以 WhatsApp回覆說:「其實我唔驚,雖然有人話我知,我架車翻咗 4周半,但我嗰刻仲想將架車揸番跑道繼續比賽,好想 11月落場比賽!已經攞到國際賽車牌喇,但要練習多啲先得,同埋玩賽車都幾貴㗎!哈哈!」苟姑娘唔只想做賽車手,原來呢幾個月更同朋友夾份開餐廳,她說:「已經開咗㗎喇!其實都係同人夾份,呢啲遲啲先講啦。」

其實早於 6月時苟姑娘喺微博上載《 EU超時任務》劇照,更寫上「最後僅剩的美好回憶」,好有離巢的味道。對於離開大台,苟姑娘就話要諗得詳細啲,她說:「我好認真咁考慮,因為錢買唔到快樂,只係想揾個明白我嘅人。」苟姑娘追求心靈滿足,真係花旦中罕有。

苟姑娘喺衝綫最後一圈,炒車凌空翻騰 4周半落地,佢事後話唔係好驚喎。網上圖片

苟姑娘架車炒到上天再跌落地,佢都只係頸部有少少擦傷,之後仲搭船返香港,認真犀利。

苟姑娘其實愛美食,不過自從甲狀腺問題,已經食得好清淡,更好少自拍食嘢相。網上圖片

郭富城出名愛賽車,問到苟姑娘有冇請教車神城城,佢就冇答《 FACE》

炒到咁大鑊,苟姑娘仍想再挑戰珠海賽道,勇氣可加。網上圖片

苟姑娘同胞弟感情好,嚟緊賽車訓練,胞弟會同佢一齊操,隨時一齊上陣。網上圖片

WhatsApp回覆

唔開心

我會慎重考慮,錢唔能夠買快樂,我只係想有人明白我!

餐廳已開

餐廳已經開咗張兩個月啦,將會開更多,因為有唔少投資者。

做生意先發達

苟芸慧諗定後路做賽車手兼餐廳老闆。其實大台唔少小生花旦都有副業嘅,靠大台雞碎份糧?等死咩!

楊秀惠喺大台上緊位,上年開始代言意大利護膚品牌 That's So,仲做埋香港代理添!網上圖片

胡杏兒同設計師姚子裕夾份開婚紗店「 KEVOLIE」,週一已開業,傳年底結婚嘅佢,件婚紗都唔使揀!

黃宗澤上年喺九龍城開蠔吧「 Oystermine」,唔少明星幫襯。網上圖片

陳豪出名咖啡王子,之前大馬開唔成咖啡店,並傳將會喺香港開鋪,每日試飲 40杯咖啡!網上圖片

鍾意就快D Share啦!
Related Posts Plugin for WordPress, Blogger...