今次寫真集以性感為主，陳瀅睇落有少少肉地，但佢堅持唔會執相：「我想話畀人知，唔一定瘦至係靚，任何身材都可以係靚！」
真面目
處女寫真 鹽扮雪醃胸 陳瀅：好痕呀！
陳瀅即將推出圖像文學書《半透明的舞孃》，講到明有全裸當然成為焦點；本刊再獨家得到陳瀅新書靚相，當中陳瀅喺雪中穿着白色薄紗長裙，睡姿性感撩人。
但原來雪地實則係粗鹽，陳瀅好似醃鹹魚一樣瞓喺鹽堆 2小時，穿低胸更要喺心口灑鹽，拍完之後都忍唔住大叫：「好痕呀！」會唔會醃到皺皮㗎？
女神陳瀅首次影寫真集，《半透明的舞孃》喺泰國拍攝，本來預算花成本 40至 50萬，但攝影師同製作團隊要求盡善盡美，結果埋單要近 100萬，遠超出預算，陳瀅接受訪問時依然樂觀：「冇預賺錢㗎！老闆好 support，覺得冇所謂。」
瞓鹽似鹹魚
女神寫真以五行做主題，當中以雪景代表其中一種元素，但喺泰國何來有雪？陳瀅笑住話：「團隊用咗 40個大麻包袋嘅粗鹽去製造場景，啲鹽鋪滿成間房，我瞓喺鹽堆好似醃鹹魚咁。」攝影師更將鹽灑喺陳瀅心口，營造落雪效果，呢個鏡頭拍咗 2粒鐘至完成，陳瀅覺得胸部同背脊又痕又紅，終於大叫：「好痕呀！」即撥走粗鹽搲痕。佢卻搞笑咁話：「唯一好處係啲鹽幫我對腳去晒啲死皮，哈哈！」
除咗「醃鹹魚」，陳瀅喺書中會大膽全裸，佢透露原來原意只係小性感，但去到湖景拍攝時，發現湖水太污糟落唔到水，轉到種滿仙人掌嘅場地後，女攝影師認為全裸至襯個景，陳瀅亦同意於是臨時決定全裸上陣；另一輯就係陳瀅要同貓貓共處喺玻璃箱入面，攝影師又覺得全裸至有美感！陳瀅全裸，好等睇呀！
陳瀅有個富貴後父
陳瀅今次寫真搏到盡，唔好以為佢好似其他𡃁模咁賣肉賺錢。其實陳瀅原名鄭鈺瀅，後因母親改嫁先轉姓兼改名，最緊要係後父超富貴，在廣州擁有一座比朗豪坊還大的六層商場。咁富貴都肯搏，睇嚟女神影寫真，係真心為興趣益街坊囉！
|
鍾意就快D Share啦！
|
|
|
