徐淑敏31歲生日 生日P似婚禮重演 徐淑敏,

其他影片：>>

幸福人妻徐淑敏（Suki）聽日31歲牛一，正日同老公黃浩（Kenny）二人世界，壽星女噚日提早約閨密開P，大玩Gatsby主題，嘉賓沈卓盈同宋熙年打扮靚靚出席，Suki仲孖老公Kenny倒香檳，大家就唱生日歌，好似重演婚禮一樣。兩對即將結婚嘅新人盛品儒、蔡一鳳同陳智燊、宋熙年正好趁機偷師，難怪佢哋兩pair都望到實冇眨眼。

Suki大女Vianna同二女Renee又着咗白裙仔，好似白雪公主咁可愛，佢哋都學緊跳芭蕾舞，所以擺甫士時就自動擺出優美舞姿動作，畫面變得額外活潑。問到Suki生日願望，佢話：「想大女Vianna考到理想小學，一家人開開心心。」Kenny預告聽日會畀老婆驚喜。

Suki除咗為自己搞咗個特別生日會，前日二女Renee嘅4歲正日，佢就幫囡囡開咗個Catwalk P，契媽沈卓盈負責教小朋友行貓步，Suki嘅細女（Isabella）都1歲多，行得好穩陣，着住紗裙仔嘅Isabella都好萌好搶鏡。

	Vianna同二女Renee着咗白裙仔。
契媽沈卓盈同Suki兩個囡囡。	黃浩同老婆Suki提早慶祝生日，真係好似重演婚禮咁喎。	陳智燊同宋熙年呢pair都係座上客。
		Suki幫囡囡開咗個Catwalk P。

鍾意就快D Share啦！

下一篇 》