阿Sa同陳偉霆分手，最開心嘅係陳偉霆一班女fans，直情要請小鳳姐出嚟咁，仲要過埋去阿Sa個微博鬧佢不知所謂。fans嘅罵戰，亦都成為佢哋兩個分手嘅原因之一。
阿Sa話︰「粉絲同粉絲之間嘅爭吵，令我好痛心，而且仲愈嚟愈嚴重囉。」點解會愈嚟愈嚴重? 雖然阿Sa極力否認同陳偉霆喺大陸走紅有關，不過自從陳偉霆憑《古劍奇譚》紅咗之後，陳偉霆班Fans就一直鬧阿SA，覺得阿Sa同鄭中基結過婚，配唔起佢哋個偶像，留言要幾難聽有幾難聽，仲要連粗口都出埋!
因為fans嘅罵戰造成壓力而分手，咪好可惜囉? 阿Sa話︰「咁個大環境係咁吖嘛! 其實即係大家都有需要覺得抖一抖好啲。」
