江美儀噚日44歲生日，同吳君如胞弟吳君祥(Vincent)及一班好友李璨琛、陳曉東、楊恭如等搞生日party慶祝，現年41歲嘅楊恭如近年生活賦閒，轉戰內地市場多年，平時好少見佢幕前工作，只係閒時出騷同更新微博，估唔到同江美儀咁多年都咁friend。
江美儀今日凌晨兩點幾於微博貼出7張相，留言：「今天生日，當然要和BB一起啦，他還安排很多好朋友過來玩，有些更是特意從外地來一齊和我慶祝的，真的又開心又感動!也謝謝你們送給我的禮物，太有心啦!謝謝你為我的安排，你辛苦，我幸福啦!愛你呀!」佢嘅「BB」就係講緊拍咗拖10年嘅男友吳君祥，難怪江美儀捧住蛋糕同男友合照，向男友施展吸盤嘴啜到實一實，成對接吻魚咁!
另外，陳曉東近日被指忽然個樣膠膠哋，喺江美儀貼出嚟嘅相所見佢個樣似乎同以前差好遠，雙眼皮深咗、鼻扁咗，點解同以前唔同咗樣嘅!?
| 江美儀吸盤嘴啜男友。(微博圖片) |  現年41歲嘅楊恭如同當年冇咩點變!(微博圖片) |  吳君祥(中)同好友李璨琛(右)。(微博圖片) |
 壽星女江美儀同男友吳君祥。(微博圖片) |  呢個又認唔認到係陳曉東呢?(微博圖片) |  (微博圖片) |
 咀佢…咀佢‥(微博截圖) |
|
鍾意就快D Share啦！
|
|
|
