| 蔡卓妍冇態眼紅紅，否認情變因有第三者。 | next 1/1 pre |
 | |
| 見到阿Sa排練都手軟腳軟咁，絕對冇態。 | next 1/1 pre |
 | |
| 受訪時都眼紅紅。 | next 1/1 pre |
 | |
| 阿Sa開頭都冇乜笑容，連好姊妹阿嬌都表情僵硬。 | next 1/1 pre |
 | |
| 但記者一追問阿Sa點解唔笑，就即刻強顏歡笑。 | next 1/1 pre |
 | |
| 有傳陳偉霆搭上趙麗穎。（資料圖片） | next 1/1 pre |
蔡卓妍（阿Sa）和陳偉霆（William）突然結束五年情，阿Sa前晚獨自返港收拾殘局，情傷未愈的她昨日出席活動綵排全程零笑容，談及情變時更不禁眼紅紅！而William在宣布分手前接受內地傳媒訪問時，封嘴不提阿Sa兼激動地否認與內地女星趙麗穎撻着，並自爆情緒曾陷入低谷感到迷失。
組合Twins昨午到新蒲崗綵排無綫的慈善騷《星光熠熠耀保良》，是阿Sa自承認分手後首度在香港出席公開場合，吸引半百記者到場。現場所見，阿Sa比早前瘦了一圈，綵排時全程零笑容，神情落寞，跳舞時更手軟腳軟，狀態欠佳，接受電子傳媒訪問時更一度眼紅紅！
對於綵排狀態欠佳，阿Sa解釋是因記者在場有壓力，當被指全程笑容欠奉，她即時擠出笑容。記者指阿Sa強顏歡笑，她說：「完全唔係，多謝大家關心，我唔會畀呢件事影響工作。（分咗手幾耐？）唔講喇！有咩文字（分手聲明）講晒，大家有共識，希望唔想有無謂揣測。」問到分手是否因輿論壓力或來自粉絲的壓力？阿Sa說：「各方面壓力都有，但最心痛係見到粉絲互相攻擊，我唔介意有人攻擊自己，但心痛見到自己粉絲攻擊對方。（分手因為（兩人）見得少？）係又忙，要處理壓力都需要時間，咁樣係最舒服。」
與第三者無關
對於有指分手涉及第三者，阿Sa極力為William護航，她說：「由始至終都冇（第三者），絕對冇！我知佢嘅（為人）。（係咪William喺內地爆紅影響關係？）佢唔係咁樣嘅人，我識佢好多年，雖然依家唔係情侶關係，大家都係朋友，識佢咁多年佢唔係咁，我好清楚。（分手感可惜？）一切順其自然，由上天安排。」
阿Sa不肯回應分手後有否保持聯絡：「大家都係朋友，That's it！（下次拍拖繼續地下情？）都係順其自然。（有冇追求者？）冇呢啲閒情，真係好忙！（指分手係做宣傳？）唔係個個藝人都要靠呢啲宣傳，你哋唔問唔講就係最好嘅宣傳。」在旁的鍾欣潼（阿嬌）則開腔力撐表示有跟阿Sa傾偈，但內容不會透露，一切在心中。
蘇州返港落寞
宣布分手後的阿Sa寄情工作，前晚完成蘇州活動後匆匆返港，晚上十一時許由助手陪同下戴着口罩現身深圳機場時，有約廿名記者見到阿Sa出現即一湧而上，場面混亂，工作人員掩護阿Sa兼開路，記者連番追問她的心情和分手原因等問題，她只說：「要講嘅聲明講晒！唔該大家！」她和工作人員等候上車期間，亦有不少途人舉機影相，而阿Sa上車時更被發現眼濕濕，其後坐車直返九龍塘寓所。直至昨午接近二時，阿Sa始離家並由工作人員護送往新蒲崗進行綵排，全程零笑容，神情落寞。
|
鍾意就快D Share啦！
|
|
|
