2015年9月22日 星期二

遙控潛拍機 OpenROV Trident 生活+趣聞,



近年航拍擴闊咗我哋嘅眼光,帶我哋去睇一啲以前睇唔到嘅嘢,而下一步就係要征服水底世界!OpenROV Trident潛拍機能夠好似條魚咁喺水底游來游去,最深可以落到100米水深,帶大家展開潛拍嘅世界。

目前喺kickstarter眾籌嘅OpenROV Trident,其實之前已經開發過類似產品,半來佢哋只係想整一部機器去水底尋寶,但搵唔到黃金,反而好多人都對之佢哋嘅發明感到興趣,所以就令佢哋決定生產潛拍機,而經過多次改良之後,終於開發出機身細而且速度快嘅Trident。Trident採用有線設計,最深可以潛到100米,不過只會推出25米套裝,如果想潛深啲就要另外買線。Trident最高速度係7.2km/h,續航力係3小時,換言之叉滿一次電夠你喺水入面游到21km。

雖然可以拍到水底世界,但有線始終令人擔心會打結,而且水底環境複雜,似乎好容易會整唔見部機。雖然係有呢啲隱憂,但大家仍然好支持Trident,事關原價$1,199美元嘅Trident,early bird半價優惠只賣$599美元,所以一出就已經被掃晒,就連$799嘅套裝都賣X晒,證明大家都睇好呢部潛拍機。Trident暫定要到2016年11月先會出貨,相信呢一年內仍會繼續改善,正式推出時應該會更加全面。



OpenROV Trident@kickstarter



鍾意就快D Share啦!
Related Posts Plugin for WordPress, Blogger...