唔少宅男都好留意電視台女主播一舉一動，無綫新聞小花陳嘉欣憑住清純同標緻面孔，得到唔少網民垂青，仲封佢為「嘉欣BB」。
不過，嘉欣BB今年已經31歲，已屆適婚年齡，原來佢同今年7月去英國升學、暫別無綫新聞部一年劉晉安己低調拍拖一段時間，朋友圈中人人知曉，屬公開嘅秘密。
上月嘉欣BB仲同劉晉安拍住拖，約埋成班新舊新聞部同事藍可盈、郭麗婷、伍瑋瑋、陳亮鈞、李芷琪，仲有最近憑《世界零距離II》上位嘅黃曉盈，一齊去咗鄭萃雯同任職攝影師老公潘國輝屋企打邊爐。
由於鄭萃雯依家陀緊孖胎，唔方便太操勞，當大家飲飽食醉後，嘉欣BB就好賢淑幫手入廚房洗碗，男友劉晉安當然唔可以畀女友一個人咁辛苦，企喺旁邊負責抹乾碗碟，非常合拍，鄭萃雯亦留言﹕「默默洗碗的小情侶。」好sweet sweet！辛勞完畢，嘉欣BB就安安樂樂同小狗一齊坐地下合照休息一下。
其實新聞部同事經常朝夕相對，過去締造過不少良緣，包括前新聞部女主播方健儀和新聞部工程人員洪楚恒結婚，邱文華同陳凱欣婚後仲生咗一對子女；但亦有人疑似做第三者，有傳周嘉儀介入許方輝同陳佩林嘅婚姻，關係複雜。
|
鍾意就快D Share啦！
|
|
|
