掃呢頁CODE去手機

2015年10月30日 星期五

王晶追住吠 秋生:求佢唔好再搞我 秋生,王晶,黃秋生,





其他影片:>>






「喺呢個世界上,有啲嘢好神秘,例如百慕達三角,同埋最近有一個人好關心我咁,非常之無理由。」嗰個人係邊個?咪就係一片丹心照強國嘅王晶囉!自去年佔中開始,王晶一直咬住黃秋生唔放,最近,仲插對方當年執導嘅電影《新房客》票房差,又笑秋生係猙獰影帝,嚇親師奶。

對此,秋生就用比喻答佢:「一個人有十億身家嘅有錢佬,去年,喺中環追住一個乞丐, 踢佢個兜,人哋問佢點解咁做,佢話:『我同你嘅宗教信仰唔同。』今年,他又再追個乞丐,又踢佢個兜,問佢咩理由,佢說:『因為你係乞丐。』我唔相信呢個表面理由,我相信背面一定有另一個理由,但係呢個係咩?係好神秘嘅。」

咁如果王晶繼續啄住唔放,你又回唔回應呢?「唔喇,我求你唔好再搞我,我就係咁衰,你唔好理我啦,我係爛泥扶不上壁架喇。唔好再搞我,多謝唔該。惟有係咁啦,仲可以點?存在主義話嘅,一個荒謬嘅世界只可以用荒謬嘅方法去面對。」
鍾意就快D Share啦!