恭喜恭喜!陳茵媺又有喜！佢今日喺圓方出席活動時，直認懷孕三個半月，仔定女仲未知，暫時都未見肚。茵媺好開心咁話:「有三個已經夠晒數喇!」
陳茵媺今日到圓方出席珠寶活動時，直認已經懷有第三胎，見其谷奶都谷得好誇張，而且今日仲足踏五吋高踭鞋，令人戥佢驚，不過茵媺就話已經著慣咗，亦都會好小心。問佢今次係咪意外？佢話:「都唔係嘅，因為我同阿Mo係一早plan咗生三個0架。」
陳豪真係生產力驚人喇，keep住造keep住中，2013年12月4日誕下長子梓燁（Aiden Joshua），今年2月26日再誕下幼子浩鋒（Nathan Lucas），已經係兩年抱兩，依家再陀第三個B，三年抱三，勁過晒「五年抱四」嘅多仔公陳浩民同「八年抱四」嘅千億新抱徐子淇！
| (攝影:陳志嵐) |  扶住大肚婆上台 |  Aimee陀緊B三個月，未係好見肚 |
 不過明顯谷奶 |
|
鍾意就快D Share啦！
|
|
|
