【徐天佑結婚】陳果爆天佑宣誓 忍唔住喊要叫停 天佑,徐天佑,

組合Shine成員徐天佑今日小登科!佢今日同拍拖8年嘅圈外女友兼舊同學Olive舉行婚禮，夜晚會喺洲際酒店擺酒款待親友。

今朝兩人喺洲際酒店向雙方家長奉茶，天佑一向視為親人一樣嘅經理人Amy Chin(錢小蕙)都有飲呢杯「新抱茶」，飲完茶大約中午12點半，車隊就轉場去到半島酒店嘅餐廳felix舉行一個小型結婚儀式，喺律師見證之下簽紙，正式成為夫妻。

導演陳果同拍檔黃又南當然有去觀禮啦，黃又南喺FB放咗一張同新人嘅合照寫道:「恭喜徐生徐太！祝你們永遠幸福！」陳果接受本報訪問時表示:「場面都有啲感動，見到天佑同老婆喺律師見證下宣誓，天佑喺宣誓時可能講辭太感動，見佢忍唔住想喊咁叫停話:『等等再嚟過』，新娘都係，見到佢哋咁感動，我同又南都好感動，我仲即刻問又南:『幾時到你』，佢話:『冇咁快』。」

		Amy Chin(錢小蕙)係天佑經理人，兩人關係似親人一樣。
所以佢都有飲呢杯「新抱茶」	陳果（左二）到場觀禮。

鍾意就快D Share啦！

下一篇 》