余思敏輕鬆湊馬騮妹 [壹週刊 - 1343] __,M1,

囡囡Emma冇時停，跑到頭髮都飛起，好在余思敏帶埋外傭，可以兩個大人一齊睇實小朋友。同你吟一吟余思敏輕鬆湊馬騮妹余思敏自從11年大肚下嫁鄭中基，大女Emma轉眼已經4歲，細仔Evan亦於年初出世。全職做阿太嘅余思敏，閒時出吓公開活動賺私己錢，平日大部分時間用嚟照顧一對仔女，早排《壹》仔就响淺水灣撞到佢兩母女帶埋個外傭，齊齊下午三點三。食飽飽，Emma想去隔籬公園玩，外傭負責睇實大小姐，余思敏就攞住 ...

囡囡 Emma冇時停，跑到頭髮都飛起，好在余思敏帶埋外傭，可以兩個大人一齊睇實小朋友。

同你吟一吟

余思敏輕鬆湊馬騮妹

余思敏自從 11年大肚下嫁鄭中基，大女 Emma轉眼已經 4歲，細仔 Evan亦於年初出世。

全職做阿太嘅余思敏，閒時出吓公開活動賺私己錢，平日大部分時間用嚟照顧一對仔女，早排《壹》仔就响淺水灣撞到佢兩母女帶埋個外傭，齊齊下午三點三。食飽飽， Emma想去隔籬公園玩，外傭負責睇實大小姐，余思敏就攞住杯咖啡，輕輕鬆鬆坐埋一邊，睇住囡囡玩。

小朋友精力特別多， Emma亦唔例外，四圍跑跑跳跳，外傭姐姐少啲腳骨力都追唔掂。公園內眾多遊戲設施， Emma特別鍾情玩氹氹轉，不斷叫外傭姐姐出力轉佢，仲要玩完又玩唔怕頭暈，好在 Emma都算聽話，媽咪一話夠鐘返屋企，冇話扭計要留低，做咗家姐，果然唔同啲！

Emma特別鍾意玩呢個一人氹氹轉，不斷叫外傭姐姐轉快啲。

除咗氹氹轉，搖搖板同樣係 Emma至愛。

囡囡去公園放電，余思敏歎住杯咖啡，輕鬆叉電。

自從做咗老豆，以前愛玩愛蒲的鄭中基變得修心養性，只要唔使開工，一家人會出街家庭樂。

撰文：八珍

鍾意就快D Share啦！

下一篇 》