後台直擊 喊包陳慧琳 [壹週刊 - 1346] 陳慧琳,M1,

未出場，Kelly又爭取時間狂跳。探熱針後台直擊　喊包陳慧琳陳慧琳已經是第七度在紅館舉行演唱會，今次個唱是入行20周年外，更是結婚生仔後第一次，對Kelly意義重大，為求演出完美，在後台，Kelly化緊妝都不停練歌，又努力做定拉筋熱身。凍親肚臍開騷遇上寒流，著住單薄deepV歌衫勁舞的Kelly唔怕走光，只擔心肚臍。「最緊要個肚臍！（張）家輝講咗幾晚，話個肚臍會入風！就會肚痛，都驚㗎！好在跳完舞已 ...

未出場， Kelly又爭取時間狂跳。

探熱針

後台直擊　喊包陳慧琳

陳慧琳已經是第七度在紅館舉行演唱會，今次個唱是入行 20周年外，更是結婚生仔後第一次，對 Kelly意義重大，為求演出完美，在後台， Kelly化緊妝都不停練歌，又努力做定拉筋熱身。

凍親肚臍

開騷遇上寒流，著住單薄 deep V歌衫勁舞的 Kelly唔怕走光，只擔心肚臍。「最緊要個肚臍！（張）家輝講咗幾晚，話個肚臍會入風！就會肚痛，都驚㗎！好在跳完舞已經成個人熱晒！」

一邊化妝，一邊練歌。

三餸一湯，白飯任裝！愛心飯用上紅姑米煮， Kelly表示開騷前一定要吃飯，增加體力，跳舞都有力啲。

經理人鍾珍每日都會煲不同滋潤湯水俾 Kelly飲，第二場就是木瓜雪耳湯。

為了應付大量舞步， Kelly開騷前會在後台做拉筋。

三餸一湯，白飯任裝！愛心飯用上紅姑米煮， Kelly表示開騷前一定要吃飯，增加體力，跳舞都有力啲。

所有歌衫都搬到台底，預備 Kelly唱完即由升降台落去換衫。

晚晚喊

見到陪自己走過 20年的 fans，在場中不停大嗌「加油」和她大合唱， Kelly忍唔住喊，提到經理人及家人，又再喊，晚晚變喊包！

台上感人，後台一樣！ Kelly每晚都有經理人鍾珍煲愛心湯，還有用紅姑同蔡瀾專營的白米煲飯，每晚食飽上台，暖胃又暖心！不過落到台，見番初入行時認識的同事， Kelly又嚟料，喊到成面眼淚！

Kelly穿著 Yiging Yin長裙，透視性感。

雖然打晒底，但極少如此性感的 Kelly自摸，睇到觀眾嘩嘩聲。

Kelly在四層樓高的太空船，從天而降出場。

提起入行往事， Kelly喊到收唔到聲。

Kelly與老拍檔雷頌德合唱《紀念日》。

張家輝提醒 Kelly肚臍會入風，所以一跳完， Kelly會披番件褸保暖。

撰文、攝影、攝錄：娛樂組

來源 source: http://hk.next.nextmedia.com

鍾意就快D Share啦！

下一篇 》