娛頭
【獨家】南區買大屋 洗米華接 Mandy母女三月正式同居
上星期四（十二月十七日）， Mandy Lieu由英國返港，即被周焯華（洗米華）在大批傳媒鏡頭前，上演世紀一拖，正式確定 Mandy在他心中第一最愛地位；第二日，洗米嫂陳慧玲（ Heidi）承認上月已同老公辦理離婚手續，令這場「爭米」三角關係，糾纏一年半後終於分出勝負。
據知，離婚手續明年三月便會完成，一直希望與 Mandy兩母女一齊生活的周焯華，亦決定完成手續後第一時間接兩母女返港，為此，他正積極物色獨立屋，首選數碼港貝沙灣及壽臣山 SHOUSON PEAK。唔想男友使太多錢的 Mandy，原來在幾個星期前已將對方送給她的西半山豪宅珒然，以接近原價九千二百萬暗盤放售。
拖手確認地位
絕跡香港九個月的 Mandy Lieu，上星期四（十七日）突然一個人返港，同周焯華在九龍城打完邊爐後，在全港傳媒見證下，被男友拖住手返愛巢。
一幕世紀拖手，周焯華向外間正式確認 Mandy的重要地位，加上與老婆陳慧玲（ Heidi）上月已經講掂數辦理離婚手續，與 Mandy公開拖手，周焯華沒有任何包袱。
「其實華哥（洗米華）好早就想俾人知， Mandy喺佢心目中嘅地位，佢覺得佢哋連女都生埋，根本冇嘢唔可以俾人知，但大家都估唔到華哥會咁 man，喺幾十個記者面前拖實 Mandy啫！」周焯華身邊人說。
秘搬陽明山莊
拖完手第二日，周焯華便與大仔周柏豪及洗米嫂生的大女周梓潼飛到東京度假，據稱，此行目的是要向一對子女交代同老婆陳慧玲離婚一事；而據旅行社消息，所訂的機票由頭到尾都只有他與子女三人，沒有洗米嫂。
至於 Mandy在男友飛日本後，同日亦離開西半山住所，搬到大潭陽明山莊酒店暫住，避開追訪。
上星期六（十九日）晚上八時，全黑打扮的素顏 Mandy，出現在酒店大堂外等車，她未有乘坐男友名下坐駕，改用一輛相信是屬於租車公司的七人車，有消息指， Mandy當晚已離開香港。
分一半身家
據了解，周焯華與洗米嫂明年三月便會搞掂所有離婚手續，有指男方會將十四億身家分一半給女方，幾個月前，周焯華已開始將部分物業轉到洗米嫂名下，他亦已搬離澳門大宅，與老婆分居生活。
明年三月，待所有手續完成後，周焯華便會接埋 Mandy兩母女，返香港居住。
「華哥早排已經叫人搵屋，佢想 Mandy同 BB返嚟（香港）可以住得舒服啲，所以唔會住番喺珒然，所以要買過另一間屋。華哥住慣獨立屋，佢早排睇過貝沙灣同壽臣山 SHOUSON PEAK啲 house，四千幾呎左右，全部都要二億五千萬起跳。」周焯華身邊人說。
暗盤蝕放
至於 Mandy，亦在幾星期前委託地產代理，將男友送她的九千一百三十二萬珒然單位，暗盤放售，放售價是九千二百萬，若以此價賣出，單是律師釐印和裝修費，都蝕唔少！
「華哥想一齊搬去住獨立屋， Mandy覺得留番個單位喺度都冇用，於是提議不如賣，套番啲錢換過第二間屋，等華哥唔使用咁多錢。華哥最初都唔肯，話間屋又唔係好多錢，覺得唔使賣咗層樓，但 Mandy好堅持，最後華哥就話到時先再算。」周焯華身邊人說。
過招一年半
自去年八月， Mandy Lieu被爆搭上周焯華並發表聲明承認關係後，過去一年半，與正印陳慧玲（ Heidi）不時隔空爭寵，宣示主權。
又攬又錫
Mandy經常陪住周焯華四圍飛，今年 2月，二人去完金邊傾生意，再直飛曼谷提早過情人節，全程呵護備至，比起在泰國度假時對正印漠不關心，兩種態度，其後二人於法國蜜遊激吻相流出，洗米嫂即於網上發洩：「樹不要皮，必死無疑，人不要臉，天下無敵。」男方事後即補鑊，在春茗派對肉緊又攬又錫，俾足面老婆。
搶閘產女
去年 12月，爆出 Mandy Lieu跟華嫂雙雙懷有「華種」， Mandy有餡一直被質疑是流料，指她冇肚扮大肚，正印安排 B女同老豆同月同日，父女一齊過生日， Mandy則出其不意，搶閘 520誕下華 B，周焯華更全程陪產，洗米嫂即時在 fb反擊：「我從來就不愛和別人爭東西，你喜歡就拿去，拿得走就拿去。」
早有先例
女人唔嫌多！男人想享齊人福，但世上冇幾個何鴻燊、霍英東，當要作出抉擇，十居其九棄正印保小三！
撰文、攝影、攝錄：娛樂組
|
鍾意就快D Share啦！
|
|
|