| 連詩雅過關斬將，成為「放題IQ王」！ | next 1/1 pre |
 | |
| 第一題問題：「『天空之城』猜香港一個地方？」 | next 1/1 pre |
 | |
| 咪就係堅尼地城囉，Eason跟住升天呀！ | next 1/1 pre |
 | |
| 第二題問題：「『唔畀得貼士』猜荷里活巨星？」 | next 1/1 pre |
 | |
| 畢彼特囉（不畀突）！ | next 1/1 pre |
 | |
| 最後一題勁難：「手指甲係日頭定夜晚，夏天定冬天生得快啲？五隻手指甲入面邊隻手指嘅指甲生得最快？」 | next 1/1 pre |
 | |
| 你又知唔知呢？ | next 1/1 pre |
 | |
| 連詩雅勁呀！ | next 1/1 pre |
 | |
| 連詩雅進軍之路。 | next 1/1 pre |
《巨星放題》來到最終回，連詩雅果然美麗與智慧並重，面對考官「Dr.吹神」陳奕迅、「Miss Kay」謝安琪和「Professor Hins」張敬軒的高難度「放題」，Shiga以大比數擊敗周秀娜、陳瀅及楊詩敏奪冠。Shiga勝出後興奮大叫：「好嘢，勝利係屬於我嘅！冇諗過竟然會贏到，所以好開心。其實每個星級主持嘅問題都好難，但我都盡力作答，我有幾題有錯，所以冇諗過會贏，多謝大家同我自己，同埋今次個遊戲好好玩，問咗好多得意IQ題，希望下次有機會再玩。」
Eason自誇口才了得
而《巨星放題》推出以來，能贏得極高點擊及瀏覽人次，除參賽藝人的號召力，最大功神是三位星級考官陳奕迅（Eason）、謝安琪及張敬軒，網民都激讚三人令節目生色不少。獲網民讚生鬼、幽默的Eason謂：「今次幾好玩，唱歌唱得多，做考官應該係第一次，我覺得自己表現OK㗎，不過可以再好啲。Kay同軒仔都好出色，我哋三個唱歌嘅，口才梗係有番咁上下！」對於Shiga獲勝，Eason謂：「Shiga係幾醒，要畀個叻佢，因為我哋嘅問題有啲好刁鑽，唔好話藝人朋友諗到𢱑頭，我都覺得難。今次我學識唔少搞笑IQ題，仲有好多同生活有關嘅冷知識，話咁快十集就玩完，下次有機會調換角色，由佢哋發問，我答，到時睇吓我嘅IQ有幾掂！」
Kay為題目「加料」
Kay亦讚自己眼光獨到：「Shiga實力深不可測，之前都睇好佢， 證明我眼光冇錯。」對於提問時的嬌柔美態冧暈不少觀眾，Kay笑言：「啲問題寫嗰時比較平白，我就加咗啲擬人法，都幾鍾意啲歌手朋友嘅反應，最深印象係傅嘉莉，佢講咗『梯形嘅面色』，好正喎佢， 好深呀嗰條問題，笑死我，覺得佢好有童心。」Kay對Eason亦讚口不絕：「留意吓問問題個肥仔，唔錯㗎，好趣致，佢爆出嗰句jajambo呢，已令大家好開心。」
原來軒仔也貼中Shiga會贏：「Shiga勝出一啲都唔出奇，一睇就知佢冰雪聰明，美貌與智慧並重。」軒仔稱在出題考人時，同時都有考埋自己IQ，確實獲益良多，有機會也想做參賽者挑戰一下。
食字題目有創意
《巨星放題》終極戰次回合，先由Dr.吹神發問：「『天空之城』猜香港一個地方？」四位參賽者都一臉認真思考，Eason貫徹生鬼作風，做出「跳起」動作，再宣布答案是堅尼地城（堅「離地」城），Shiga和蝦頭率先答中。Miss Kay發問第二題：「呢個好難，『唔畀得貼士』猜荷里活巨星？」四人聽完一頭霧水，蝦頭更爆了句：「問完啦？」之後Kay說答案是畢彼特（不畀突），這題只得周秀娜答中，其他三女頭頂都冒出多個問號。
最後一題冷知識題由Professor Hins發問：「手指甲係日頭定夜晚，夏天定冬天生得快啲？五隻手指甲入面邊隻手指嘅指甲生得最快？」這條終極冷知識題考起了大家，最後軒仔開估：「夏天生得快五分一倍，日頭生得快啲，五隻手指入面，指甲生長速度最快係中指，不過我唔騷畀大家睇。」這題Shiga和陳瀅答中，周秀娜與蝦頭答中一半，只能當她們答中半題。
今集Shiga答中兩題，周秀娜答中一題半，陳瀅只答中一題，兩回合計，Shiga答中4題半，砌低其他三人，登上「放題IQ王」寶座！如果大家想知Shiga如何勝出，請立即登入《東網巨星》App，在廣告位click入第十集《巨星放題》，收看緊張又刺激的大結局！
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|