熱爆娛樂: 增磅生 B　胡杏兒蜜月放縱 [壹週刊

2016年1月7日星期四

增磅生 B　胡杏兒蜜月放縱 [壹週刊 - 1348] __,杏兒,胡杏兒,M1,

出發度蜜月，杏兒同 Philip拖實入閘。

探熱針

增磅生 B　胡杏兒蜜月放縱

以李乘德太太身份，迎接 2016年的胡杏兒，上週六（ 2/1）隨同老公返回男家沙頭角李氏祠堂祭祖時，開出期票，承諾要一年抱三！翌日一對新人出發去札幌，啟動 74日環球蜜月造人之旅。據知，為生 B做足心理準備的杏兒，打算在今個旅程放縱吃喝玩樂，增磅養好身體。兩個人去三個人返，唔係得把口！

講客家話

身為李家長子的 Philip，上週六帶住新婚妻子返沙頭角祠堂祭祖，身穿紅色長裙求吉利的胡杏兒更用客家話自我介紹，向各鄉親父老打招呼。儀式上，初歸新抱被主持人催生 B，杏兒即時誇下海口：「希望一年抱三！」

坐言起行！週日（一月三日）一早，兩公婆展開環球造人之旅。由 Philip一手安排的蜜月行程緊湊豐富，首站是北海道滑雪，再去東京 shopping，之後轉飛大溪地、新西蘭；再去美國、紐約、倫敦、巴塞隆拿、希臘、伊斯坦堡，遊勻各大洲。

「呢個 trip行程絕對要乜有乜！又滑雪又陽光海灘，仲有 shopping，全部都係杏兒鍾意同想去嘅地方，有啲仲係第一次去。杏兒預咗俾自己放縱兩個半月，食番肥啲，養好個身體準備有 BB；之前喺 TVB咁多年，捱到個底差晒，而家終於可以抖吓復修。」胡杏兒身邊人透露。

74日行程，遊走各大洲，李生李太兩人四大喼行李。

Philip落手搬行李埋櫃位，唔使老婆動手。

入閘時，杏兒除低黑超俾保安認樣。

兩人四喼

出發當日，著黑衫戴冷帽的杏兒同老公各自推住兩個大喼現身機場，行去櫃位排隊 check-in， Philip爭住搬行李，完全唔使老婆動手。辦完 check in手續，兩公婆手拖手行去入閘，見記者影相，新婚杏兒微笑揮手。

一上機，杏兒已經急不及待在微博 share自拍相，留言說：「 Bye Hong Kong。」

在此預祝 Philip一舉成功，兩個半月後「一家三口」回歸。