掃呢頁CODE去手機

2016年3月30日 星期三

傾掂數 禮金全免 楊怡 3樓揸手嫁羅仲謙 [FACE - 462] __,羅仲謙,楊怡,MF,

楊怡同羅仲謙秘密到英國註冊,謙謙特登揀古堡影結婚相,希望老婆可以好似公主咁出嫁!封面傾掂數 禮金全免 楊怡3樓揸手嫁羅仲謙大台花旦近年陸續出嫁,先有胡杏兒上年高調嫁夜場老闆Phil,再有鍾嘉欣同加拿大脊醫Jeremy閃婚兼盛傳佗埋B,日前終於輪到楊怡喇!36歲楊怡秘密與31歲羅仲謙到英國註冊及影結婚相,正式成為羅太,恭喜晒!上週日(27日),兩人回港交代婚事,謙謙兩度錫楊怡額頭,更已改口叫楊怡做太 ...


楊怡同羅仲謙秘密到英國註冊,謙謙特登揀古堡影結婚相,希望老婆可以好似公主咁出嫁!

封面

傾掂數 禮金全免 楊怡 3樓揸手嫁羅仲謙

大台花旦近年陸續出嫁,先有胡杏兒上年高調嫁夜場老闆 Phil,再有鍾嘉欣同加拿大脊醫 Jeremy閃婚兼盛傳佗埋 B,日前終於輪到楊怡喇!

36歲楊怡秘密與 31歲羅仲謙到英國註冊及影結婚相,正式成為羅太,恭喜晒!上週日(27日),兩人回港交代婚事,謙謙兩度錫楊怡額頭,更已改口叫楊怡做太太,閃盲在場記者。

結得婚做人世,當場係講心唔講金。貴為大台一線花旦,楊怡手持 3個總值超過 2千萬的物業,反而謙謙仲未做到業主,今次娶老婆一毫子禮金唔使俾之餘,婚後亦係入住楊怡的日出康城單位,同外母一齊生活。想快啲過二人世界,謙謙要努力喇!

拍拖 4年,楊怡終於同細自己 5年的羅仲謙拉埋天窗,更瞞住公司同經理人,秘密到英國的利茲普城堡影結婚相,又在雙方父母見證下註冊,正式成為夫婦。

楊怡同羅仲謙上週日( 27日)由英國返港,在機場 sweet爆晒鑽戒;謙謙之後又在微博叫太太做「羅楊怡」,好識冧女喎!(網上圖片)

兩人去年到台灣旅行遊夜市,當時已傳出二人有計劃於今年 3月結婚。《蘋果日報》圖片

上年 4月,楊怡同謙謙低調睇樓,可惜最後都抽唔中,置業失敗。《蘋果日報》圖片

愛儲磚頭

上週日( 27日),兩人放完假返港,在機場拖手曬幸福,左手無名指戴住鑽戒的楊怡,被問到巨鑽有幾重時,即時一副冧樣維護老公,「幾多卡唔重要,最緊要係有心!」

事實上,出道 17年的楊怡,事業同身家都比老公羅仲謙優勝。搵得多而且投資有道,楊怡現時已擁有 3層樓,分別係將軍澳日出康城、將軍澳中心及紅磡城中匯, 3個物業市值加埋超過 2千萬!

楊怡非常孝順,現時同媽媽一齊住喺日出康城單位。(網上圖片)

楊怡家姐楊卓娜唔覺意洩露咗一家人去英國嘅行蹤。(網上圖片)

謙謙今次秘婚冇通知公司,激嬲一向疼錫佢嘅老闆王海峰(左)。圖片

謙謙冇樓揸手,之前一直住喺大埔圍村屋企。(網上圖片)

同外母住

一向愛錫家人的楊怡,大方把將軍澳中心單位讓俾家姐楊卓娜一家居住,自己則與母親居於日出康城領峰的過千呎單位。至於冇樓揸手的謙謙,婚後則要搬去老婆的日出康城寓所,與外母同住!

其實早有結婚計劃的謙謙,曾努力嘗試做業主,去年更帶埋楊怡睇將軍澳緻藍天新樓,可惜最後抽唔到,被迫轉 plan。除了要繼續黐樓住,謙謙今次同老婆傾掂數,一毫子禮金都唔使俾,淨係出機票酒店錢去英國影相,慳番一大筆!

早前楊怡拎住巨鑽玩具自拍,暗示就快做人妻。(網上圖片)

羅仲謙同楊怡上週五( 25日)突然公布婚訊,兼發了一張結婚相。(網上圖片)

謙謙今年套《西遊記》在內地票房狂收 11億,成功在內地有少少知名度。(網上圖片)

辣㷫老闆

雖然搵錢能力同資產都不及老婆,但謙謙近年積極工作,在年初的賀歲片《西遊記之孫悟空三打白骨精》中,謙謙飾演「沙僧」一角,與鞏俐、郭富城等合作,算係邁向殺入內地市場的第一步。

謙謙同楊怡只在英國逗留幾日即急住返港,除了因為楊怡週一( 28日)要出席新劇宣傳活動,更主要係謙謙今次秘婚過於突然,連公司都呃埋,結果激嬲老闆王海峰,被急 call返香港解話兼補鑊!如果因為結婚搞到冇咗個飯碗,謙謙真係要帶老婆返圍村住喇!

秘嫁謙謙後,楊怡即飛返香港,為新劇宣傳。

楊怡宣佈嫁人,唔知幫唔幫到新劇扯高收視呢?

《蘋果日報》圖片

鍾情將軍澳

將軍澳日出康城領峰(左圖)(市值約 850萬)

將軍澳中心(市值約 700萬)

紅磡城中滙(市值約 700萬)

陸續有嚟

杏兒嘉欣楊怡結婚了,喜事梗係唔會就咁告一段落!鬼咩!後生嗰批未成氣候,擔得大旗嗰班又個個名花有主適婚年齡,大台花旦荒仲未見底架!

唐詩詠

拍劇減產、重心漸漸外展到影圈同私人生活,其實好多人心目中既最佳女朋友唐詩詠亦都係最佳人妻潛力股!

黃翠如

雖然俾人叫得 BB多,不過翠如今年經已 35歲唔係細!好彩同蕭正楠愈愛愈痴纏、同蕭家仝人家族旅行亦都表現滿分,好大機會下個出嫁!

《蘋果日報》圖片

胡定欣

次次拍拖興逼婚,次次搞到婚訊變分訊, 34歲胡定欣去年同樂手陳明道一拍即合,歷屆男友今次最大機會叫糊。

圖片

黃智雯

喺大台發展冇突破,黃智雯明顯心淡等嫁。拍拖三年謝瑞麟高層詹文天點睇都老實穩重,可靠過留喺大台!

採訪、撰文、攝影:娛樂組


鍾意就快D Share啦!