【20:03 更新】警方回應閃電手女賊銅鑼灣出沒注意！任職寶石批發的鄭小姐，前晚8時許到銅鑼灣時代廣場的city'super逛街，一直都手機不離手，惟她推著手推車至水果區揀蘋果時，將金色的iPhone6 Plus放入手袋內，「點知我揀揀吓，粒蘋果就跌咗落地下，於是我咪踎低執」，未幾她便發現手機不翼而飛，慌忙向保安員求助。保安員翻查閉路電視錄影，發現一名穿著黑色上衣女子事前在鄭身邊徘徊，趁她蹲下執蘋果時便急步靠近偷走手機，「真係好快，成個過程真係幾秒，個賊已經用兩隻手指黏起部電話走人」。鄭小姐事後報警求助，並向到場的警員報失手機。鄭小姐表示，平日用4位數字密碼及指紋鎖，出事後已到附近的Apple Store尋求協助，「啲職員即刻幫我喺iCloud lock機，亦都試吓幫我Find My iPhone，但都已經搵唔到喇」。她將事件告知上司及客戶，得悉事件的嚴重性，「真係好大獲，我個電話入面有超過500個clients(客戶)嘅資料，佢哋都係比較有錢嘅嗰堆人，信用卡、銀行戶口、住址乜都有，仲有佢哋啲買貨單據添」，經過多番商議後，她昨日再就事件報案。鄭小姐坦言，被偷的手機並不重要，僅希望機內的資料不會被盜用，「入面啲資料真係好重要……擔心唔知會唔會畀人解鎖咗部機，唔知佢會唔會拎啲資料嚟做啲咩」。另外，她又指黑衣女賊的手法純熟，懷疑是慣匪，遂上網尋找，發現曾有傳媒報道同類案件，疑犯外形相似。該報道指一名女賊在銅鑼灣的百貨公司「搵食」，趁事主試鞋期間，極速偷去手袋內的手機，過程亦被天眼拍下。警方發言人指，前晚8時許，一名姓鄭女子於勿地臣街商場報案，指遺失手機，案件列物品遺失處理。至昨中午12時許，鄭再報警求助，指手機被偷去，案件改列盜竊，交灣仔警區刑事調查隊跟進。想睇最新消息？ 即時follow【現場－蘋果突發】fb！http://fb.com/applecitycrime
|
鍾意就快D Share啦！
|
|
|
