掃呢頁CODE去手機

2016年3月30日 星期三

離離合合完鳥吧 《 FACE》踢爆過的戀情有很多 [FACE - 462] __,MF,

告別號離離合合完鳥吧 《FACE》踢爆過的戀情有很多《FACE》07年繼承《壹本便利》創刊以來,總共出版了462期。4百幾期當中,做得最多封面的男藝人,竟然係緋聞同是非都唔多的陳豪,佔了6期;而封面女王就係張栢芝,佔了14期!多年來,唔少明星的地下情都係由《FACE》率先爆,包括陳法拉薛世恆、鍾嘉欣伍允龍、胡杏兒Phil、G.E.M.同林宥嘉等。可惜再sweet的戀情都有完結一日,除咗杏兒能夠開花 ...


告別號離離合合完鳥吧 踢爆過的戀情有很多07年繼承《壹本便利》創刊以來,總共出版了462期。4百幾期當中,做得最多封面的男藝人,竟然係緋聞同是非都唔多的陳豪,佔了6期;而封面女王就係張栢芝,佔了14期!多年來,唔少明星的地下情都係由率先爆,包括陳法拉薛世恆、鍾嘉欣伍允龍、胡杏兒Phil、G.E.M.同林宥嘉等。可惜再sweet的戀情都有完結一日,除咗杏兒能夠開花 ...


告別號

離離合合完鳥吧 《 FACE》踢爆過的戀情有很多

《 FACE》 07年繼承《壹本便利》創刊以來,總共出版了 462期。 4百幾期當中,做得最多封面的男藝人,竟然係緋聞同是非都唔多的陳豪,佔了 6期;而封面女王就係張栢芝,佔了 14期!

多年來,唔少明星的地下情都係由《 FACE》率先爆,包括陳法拉薛世恆、鍾嘉欣伍允龍、胡杏兒 Phil、 G.E.M.同林宥嘉等。可惜再 sweet的戀情都有完結一日,除咗杏兒能夠開花結果,其餘 3段戀情,都同《 FACE》一樣難逃一死。

完了吧,如無意外。不過一段感情結束,代表新開始即將來臨,希望在明天,好似我們還有《 KETCHUP》同《交易通》延續《 FACE》精神,祝每個上過《 FACE》封面的女星,都可以學嘉欣 bb咁幸福,搵到個好歸宿!

封面王 陳豪( 6次)

幸福王陳豪一家真係好多港人嘅夢幻組合。

絕種好男人陳豪以 6期成為《 FACE》封面王,想當年仲未坐穩大台一哥位的陳豪,同廖碧兒拍拖時女尊男卑,試過半夜三更陪女友睇急症,又做柴可夫車出車入,但仍逃唔過被撇命運!好在好心有好報,陳豪已經成為大台搶手貨,又同港姐陳茵媺結婚,嚟緊仲會做第三任爸爸添,真係好幸福!

封面后 張栢芝( 14次)

栢芝出道十幾年,發生過江湖姦殺令、淫照事件、結婚生仔離婚,絕非一般 35歲女人會經歷過!《 FACE》見證住柏芝同霆鋒由拍拖到分開, 2011年兩人離婚,亦係由本刊率先爆。雖然冇咗老公,但柏芝依然努力湊大 Lucas同 Quintus,更成功殺入內地,狂搵人仔養家。呢方面真係要畀 like㗎!

單親栢芝湊住 2個仔,唔輕易㗎!

首爆法拉薛大少拍拖

當年未係一線花旦的法拉,做來做去都係幫手推油的姣精角色,但法拉一早冧掂身家超過 20億的薛大少薛世恆。 07年兩人拍拖斷正,法拉揸下車發現記者,為保護戀情同男友,竟然冒險片車,仲差啲撞低本刊記者,順利成為《 FACE》創刊封面!可惜兩人最終於 13年宣布分手,法拉亦離開大台,獨自到美國讀書進修。

法拉四圍旅行好鬼歎!

鍾嘉欣伍允龍斷正

《 FACE》第 2期封面,係鍾嘉欣伍允龍拍拖斷正! 07年,本刊在將軍澳坑口村發現二人密會,凌晨時份一齊歎泰國菜,仲一碗河粉兩份食。可惜兩人拍拖 8年後,去年正式分手,嘉欣 bb更極速搵到在加拿大做脊醫的新歡 Jeremy。兩人於今年 2月舉行婚禮,更盛傳嘉欣會在溫哥華安胎。同新歡結婚生仔都係 1年內搞掂,反而同伍允龍一齊 8年都唔肯公開, it’ s not fair!

胡杏兒陪 Phil去 ball

胡杏兒同黃宗澤拍拖 8年,曾經高調在台慶公開「互頂宣言」,又同居多年,偏偏最後都要分手收場。回復單身後,大把人追的杏兒, 15年 1月被本刊踢爆,陪新歡李乘德 Phil去除夕 ball。戀情曝光後,杏兒索性公開關係,更於去年 12月結婚,婚後展開長達 2個月的蜜月旅行,遊遍日本、希臘、英國、馬爾代夫等地!而前度 Bosco早前則被爆戀上日模 Jun,各有各幸福

同老公渡蜜月,杏兒經常放閃。

林宥嘉爆 seed護 G.E.M.

10年 12月,本刊發現林宥嘉秘密來港陪 G.E.M.過聖誕。當時呢對熱戀中嘅情侶,戴住口罩都要去銅鑼灣做連體嬰,又熊抱又啜嘴,仲一齊返 G.E.M.的深井屋企過夜。點知去到樓下發現記者,平時陰聲細氣的林宥嘉,竟然失控發狂追打記者,最後要 G.E.M.幫手勸停!但 14年爆出林宥嘉偷食台妹,兩人隨即分手,仲隔空互罵!

搵到如意郎君,法拉閃嫁。

宇宙 G.E.M.嘅品味……

毒 L一齊追睇過的𡃁模

𡃁模曾經瘋行,呢 4個女仔相信有追開《 FACE》嘅讀者,一定有印象,當年宅男最期待就係書展,周秀娜、 Angelababy、 DaDa, Kama等,成班𡃁模鬥出寫真,佢哋嘅寫真集你未必有買,但佢哋嘅性感相,你一定有睇過,當日大家嘅女神,鬥性感,鬥是非,不過今日 Angelababy變咗黃曉明老婆,周秀娜已收起性感, DaDa仲攞埋金像獎最佳女配角, Kama喺英國讀緊碩士。或者你仲揾緊下一位女神,但係時候諗一諗,應該同女神一齊進步喇。

話題女王 周秀娜做老闆

07年當時得 22歲嘅 Chrissie周秀娜,因為 D cup身材,有曲綫又有線條,加上樣貌似樂基兒同阿嬌,每次嘅性感出現,都係傳媒同宅男嘅驚喜,其後出嘅寫真集,非常有話題性,成口泡刷牙,人形攬枕,宅男一定會記得,寫真集令 Chrissie成功上位,之後再拍電影及喺國內拍大陸劇, 13年仲做埋內衣品牌 LAMIU老闆,事業成功,但女神一直冇着落,自同陳偉成分手後,一直未有人得到女神,飛雲機會嚟喇!

娜姐今時今日做女主角又做老闆,證明唔只得對奶。

當年只得 22歲嘅娜姐,大家又儲咗佢幾多相?

百果園 DaDa:「𡃁模係我人生一部份。」

當年 21歲 DaDa陳靜,因拍咗個百果園廣告,加上 E cup身材,好快成為宅男女神,之後出過幾本寫真集亦大賣,好快就入咗電影圈, 13年憑《低俗喜劇》攞到金像獎〈最佳女配角〉, DaDa由𡃁模變為電影人,但佢絕不介意曾經被稱為𡃁模。

她說:「好多人會介意被人叫𡃁模,但我絕對唔會,嗰個階段係我人生一部份,我冇後悔,亦冇後悔行性感,出寫真,如果而家操得返個狀態,我唔介意再影㗎,哈哈哈,當日幫《 FACE》影水着,開頭好緊張,但啲相出嚟好靚,之後亦影咗幾次,亦都因為咁多咗人認識。」

當年幫《 FACE》影相, DaDa話:啲相出嚟好靚!

13年憑《低俗喜劇》攞金像新人獎,𡃁模都識演戲。

Kama英國讀碩士

08年因為拍邦民電視廣告,令 18歲 Kama羅凱珊上位,之後亦發生過彭順事件,但冇影響佢嘅事業,之後仲幫迪士尼賣廣告,其後推出寫真集,亦大賣, 10年 Kama突然退出娛圈,轉到英國讀書,據知今年她將會碩士畢業,當年會考只得 2分,但經過 6年努力,而家變為碩士畢業,好叻女㗎!

Kama外貌清純,有傳曾經俾星爺睇中過,之後讀書潛水冇晒消息。

Angelababy做埋人妻

講起𡃁模,一定要提 Angelababy,家陣佢已經成黃曉明老婆,並在大陸爆紅正式成為強國人,不過當年佢都係靠出水着寫真儲落一班粉絲上位。

當然仲有一班大家欣賞過又叫唔出名嘅𡃁模,《 FACE》當年都出過 3本精裝𡃁模寫真精華嘅特刊,一出亦俾大家搶斷市,唔知大家仲有冇 keep呢?

入面啲相,真係睇到流口水!

韓料最爆 推超強韓娛 app

自《 FACE》創刊,一方面緊貼本地娛樂,韓娛方面仲係走在最前線嘅傳媒!早前 hit爆中、港、台神劇《來自星星的你》,《 FACE》專程飛到韓國當地直擊拍攝結局篇,仲公開兩位主角金秀賢同全智賢的真實一面,原來全智賢排場仲勁過「千頌伊」㗎!另外,《 FACE》亦專程飛到海南島踢爆情侶手鈪上陣嘅 EXO中國籍成員 Tao同世勛喺池邊調情添!而之後推出嘅手機 app《 FACE Pop》,更是主力韓國娛樂資訊,名符其實「韓料最強」!

獨家首爾追《星星》

金秀賢原來都係「煙民」,唔使埋位總會匿埋一角「叉叉電」,不過食煙對身體有害,「都敏俊」都係早戒為妙

雖然全智賢呢身打扮同一般市民落街買餸冇乜分別,但勝在女神天生麗質,唔靠衣裝都有「星味」,女神果然唔係「流」㗎!

直擊 Tao同世勛海南密會

Tao同同性密友世勛雞啄唔斷,完全忽視同場嘅 Suho,好可疑喎!

去到海南島, Tao先叫真正放下戒心,最重要可以同密友世勛靜靜哋避世!

MAMA足本報導

《 FACE》對於一年一度音樂盛事「 Mnet Asian Music Awards」(簡稱 MAMA)梗係會緊貼報導!好似去年頒獎禮亮點落咗去頒獎嘉賓周潤發度,同 BIGBANG打成一片嘅發哥,台上瘋狂 selfie到台邊,最後搞到要工作人員出手趕落台,《 FACE》同《 FACE Pop》都有全程足本睇!

去年 MAMA重點一 part,非發哥同 PSY PK騎馬舞呢一幕,粉絲當場嗌破喉嚨!

MAMA高潮連場,其中 2NE 1總動員出席,仲有久有未露面嘅朴春, fans最開心不過!

U界年度盛事  FACE UStar打造校園型人 Icon

《 FACE》除了娛樂靚女韓娛勁之外,由《 FACE》主辦嘅 FACE UStar校花校草選舉絕對係大專界嘅年度熱話,入到圍嘅都係靚仔靚女又有才華,可以話周身刀,張張利。活動舉辦六年以嚟,一直成就咗唔少年輕人嘅夢想。有人參加完做咗明星、有人參演拍戲、有人拍旅遊節目、有人仲做埋港姐, FACE UStar真係佢哋達成理想嘅第一步。

李任燊  Kyle

2011 FACE UStar校草冠軍、網上人氣 UStar Boy

電影《藍天白雲》男主角,演鄧麗欣老公、港台青春劇《 DIY2K》、內地電影《沙漏愛情》男主角,並拍攝維他港式奶茶、八達通、 7-11等多個廣告

李任燊 Kyle11年當選校草後,絕對工作不斷,廣告電視影乜都撈勻。

陳詩欣  Eunice

2011 FACE UStar2強

MusicNEXT旗下歌手、 Jamcast旗下模特兒

推出單曲派台作品《感情戲》、《蠢》、拍攝港台青春劇《 DIY2K》

陳詩欣 Eunice係 11年嘅校花 2強,最近已經推出派台作品,正式成為歌手!

群星出力盡撐

每年 11月都係 FACE UStar校花校草選舉會進行決賽,比賽當晚除咗 UStar搏盡之後,都有一班巨星嚟唱歌助慶,謝安琪、周柏豪、關心妍、 Super Girls、 As One等等都有得做嘉賓助慶,現場同學睇得開心,一班 UStar表演亦更落力。

歷屆 UStar型人代表

謝文欣  Ally

2011 FACE UStar 10強

星夢娛樂歌手,曾參演劇集《愛.回家》、去年更擔任《勁歌金曲》主持,又在剛播完嘅《潮流教主》中有份演出。

羅啟聰  Kris

2012 FACE UStar5強

推出單曲《東角遊民》、《東角遊民(在春天 Remix)》、《荔枝山 Rocky》、《日落塔門》

湯加文  Carmen

2013 FACE UStar校花冠軍

寰亞旗下藝人

參演電影《分手 100次》、《陀地驅魔人》、《藍天白雲》、《大浪淘沙》

周雅霏  Rose

2010 FACE UStar5強

主持旅遊節目《霏雲闖蕩》

何艷娟  Katherine

2013 FACE UStar網上人氣 UStar Girl

2014香港小姐季軍

撰文:娛樂組


鍾意就快D Share啦!