熱爆娛樂: 同性相吸　 TB教練攝位慰藉　 Stephy受落：保持友好關係 [FACE

2016年3月30日星期三

同性相吸　 TB教練攝位慰藉　 Stephy受落：保持友好關係 [FACE - 462] __,Stephy,鄧麗欣,MF,

Stephy直言同小方復合隨緣，不過有網民誇張到喺美國白宮網站發起聯署要求復合。

真面目

同性相吸　 TB教練攝位慰藉　 Stephy受落：保持友好關係

方力申同 Stephy呢對金童玉女自宣布「分訊」，繼早前小方獨自留港面對傳媒後，週日（ 27日）終於輪到台灣返港嘅 Stephy親自解話，訪問期間，兩度落淚嘅 Stephy澄清 TB教練小牛只係同性好友，又話會「保持友好關係」！分手絕唔關第三者事喎！

據知，小方一早已知「情敵」存在，仲好清楚對方追緊 Stephy，雖然明知 Stephy冇可能變「攣」，不過為求安心，今年 1月親自落排球場收風添！

週日（ 27日）由台返港嘅 Stephy一臉倦容，一出閘口即被大批傳媒包圍，訪問期間更喊到鼻紅紅，並指同小方拍拖 10年有好多問題好難解決！

小方同 Stephy「分訊」震驚全港，誇張到仲有網民喺美國白宮網站發起聯署要求復合，可想而知，呢 pair情侶有幾深入民心！ 10年情話完就完，二人強調不牽涉第三者，不過 TB排球教練鄧衍敏（小牛）嘅出現，話冇影響就假。

殘爆現身

分手聲明宣布後， Stephy竟然掉低小方一人獨自面對傳媒，當日小方仲兩度落淚。

事隔 8日，女主角 Stephy終由台灣返港，隨即被大批傳媒包圍，一臉倦容嘅 Stephy企定定做訪問，期間又眼濕濕又鼻紅，「感情始終係兩個人嘅事，咁多年要三言兩語分析好難，喺大家眼中可能覺得我哋係童話，但喺我哋真實感情裡面，我哋都好似一般普通情侶面對好多問題！」之後 Stephy再重申同小牛只屬好友關係，「佢只係好好朋友，我哋可以話亦師亦友，嚟緊有排球拍攝需要佢指引，保持友好關係！」咁小方識唔識小牛？「冇正式介紹過，因為球隊喺 9月（去年）集訓，當時小方都知呢件事。」

小牛（鄧衍敏）

Stephy因為排球而同教練小牛混熟，亦不時開心「些牙」二人合照上網。（網上圖片）

小牛 social有一手，仲好快融入 Stephy姊妹圈。（網上圖片）

32歲小牛家底豐厚，除咗現任台北市立大學女排教練，亦係 Stephy打骰 Loey排球隊嘅教練，中性打扮嘅佢，同一班隊員都好熟。（網上圖片）

攝位冧女

據知去年 9月到台灣集訓前，小方已知 TB教練小牛存在，仲聽過唔少對方出冧招追 Stephy嘅閒話，雖然明知女友唔會變「攣」，但為求安心，今年 1月初， Stephy同球隊練波時，小方忽然到場，名義上探女友，實情向一班姊妹收風摸清小牛底細。

其實當時小方同 Stephy感情已經出現問題，仲經常鬧交，小牛亦攝正個靚位，出冧招慰藉 Stephy心靈。不過，今次被傳媒起底，小牛都有啲嚇怕，兩人短期內都暫時唔會見面，好難再進一步發展喎！