2016年3月30日 星期三

【香港結婚擺酒】41歲鄧健泓向29歲石詠莉求婚:佢一入場已喊晒 __,石詠莉,鄧健泓,

41歲鄧健泓同29歲前Freeze女子組合成員石詠莉拍拖三年,石詠莉噚晚喺IFPI頒獎禮上,拎咗兩個獎「十大銷量廣東唱片」同「IFPI十大銷量本地歌手」,鄧健泓搞咗個驚喜party向女友求婚,今早即向大家宣佈喜訊,今早二人喺facebook貼出合照,大晒幸福。《蘋果》今日問咗鄧健泓,佢就話個求婚party喺尖東富豪九龍酒店舉行,計劃咗半個月多:「我成日講喺一個啱嘅時間,做啱嘅嘢,噚日對我哋嚟講係一 ...


41歲鄧健泓同29歲前Freeze女子組合成員石詠莉拍拖三年,石詠莉噚晚喺IFPI頒獎禮上,拎咗兩個獎「十大銷量廣東唱片」同「IFPI十大銷量本地歌手」,鄧健泓搞咗個驚喜party向女友求婚,今早即向大家宣佈喜訊,今早二人喺facebook貼出合照,大晒幸福。《蘋果》今日問咗鄧健泓,佢就話個求婚party喺尖東富豪九龍酒店舉行,計劃咗半個月多:「我成日講喺一個啱嘅時間,做啱嘅嘢,噚日對我哋嚟講係一個好有意義嘅晚上,係一間獨立音樂公司好值得感恩嘅事。」佢又稱自己喺一班雙方家人及好友見證下,下跪求婚,佢笑言:「我以前拍戲拍過一場求婚戲,咁就係好順利,但到我人生第一次做呢樣嘢嘅時候,係有啲尷尬同緊張,即係我完全唔知自己做咩,唔知係下跪,定係畀咗花先,要蕭定一喺隔離叫佢跪咗先,畀花佢揸住。」反而女友石詠莉一直叫佢唔好緊張。鄧健泓又指女友石詠莉一入場已經喊晒,因為成班員工都呃住佢:「當我求婚時,佢都諗咗一陣,我問佢咁都要諗,我噚日就算畀一隻草戒指或汽水蓋佢,佢都會答應,因為我同佢呢三年經歷咗好多嘢,我哋成長咗好多。」鄧健泓坦言佢同石詠莉將喺香港結婚擺酒,plan好於加拿大影結婚相。

網上圖片 網上圖片 網上圖片

鍾意就快D Share啦!