網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月21日 星期一

【「唔好提呢個人」】劉德華講陳少霞破冰事件﹕我真係有講過? __,劉德華,

劉德華同洪金寶主演嘅電影《特工爺爺》今日喺旺角新世紀廣場舉行「慈善功夫日」及第二屆金影獎揭幕禮,現場除咗頒傑出電影人金影獎俾洪金寶,表揚佢對影壇貢獻外,仲捐出十萬元予其慈善基金,更安排咗一百位小朋友現場打功夫向洪金寶致敬。華仔日前低調現身恩師李添勝榮休晚宴,佢指添哥事前並不知情,佢話:「我知道之後問可唔可以去,但如果我去就唔可以話俾人聽,以神秘嘉賓身份去,我個位仲寫咗杜琪峯個名,添哥完全唔知道。」 ...




其他影片:>>






劉德華同洪金寶主演嘅電影《特工爺爺》今日喺旺角新世紀廣場舉行「慈善功夫日」及第二屆金影獎揭幕禮,現場除咗頒傑出電影人金影獎俾洪金寶,表揚佢對影壇貢獻外,仲捐出十萬元予其慈善基金,更安排咗一百位小朋友現場打功夫向洪金寶致敬。華仔日前低調現身恩師李添勝榮休晚宴,佢指添哥事前並不知情,佢話:「我知道之後問可唔可以去,但如果我去就唔可以話俾人聽,以神秘嘉賓身份去,我個位仲寫咗杜琪峯個名,添哥完全唔知道。」當晚華仔同曾經傳不和嘅公司旗下藝人陳少霞相擁合照,被指二人關係破冰,對此華仔反問:「我哋有嘢㗎咩?」有傳陳少霞曾為復出一事搵人向華仔搭路,但華仔就話:「唔好提呢個人。」記者問華仔有否講過呢句說話時,佢反問:「我有冇講過呀?我真係講過?我真係唔記得喎!」一切純屬謠言?華仔笑言:「我都唔知!我都係睇報紙先知,原來我同佢破冰!」華仔表示私下冇同陳少霞聯絡,當記者問有傳對方離婚後經濟欠佳,開新戲時會否預陳少霞一份時,華仔說:「同志偉了解過,都會關心佢。」另外,華仔透露《特》片中嘅自己唔識照顧家庭同關心自己囡囡,同現實生活完全相反。至於洪金寶笑言《特》片中最大挑戰是床上戲,佢笑言:「我渴望好多年,終於輪到我,不過呢啲床上戲係講個老人家每朝6點起身嘅床戲。」未知洪金寶想唔想搵佢兩個孫仔拍戲?洪金寶話:「唔知佢哋有冇天份,佢哋仲細,但我都好希望,睇機會啦,反而我想佢哋讀書。」

攝影:仇志德 現場有一百位小朋友打功夫向洪金寶致敬 電影《特工爺爺》捐出十萬元予洪金寶慈善基金
大哥大笑言終於有得拍床戲 華仔避談同陳少霞破冰,話﹕「我都係睇報紙先知,原來我同佢破冰!」

鍾意就快D Share啦!