陳冠希(Edison)最近接受英國網媒SHOWstudio嘅訪問，佢又重提8年前係香港發生，轟動一時嘅淫照事件，Edison好老實咁話：「在性這方面，我不認為我錯了！」日前Edison係佢嘅facebook上載咗一張高清嘅近照，超近距離，好多人只留意到佢滿臉雀斑，留言話：「陳冠希老了」、「越來越老」、「好多老人斑」，但原來重點唔係呢張相，係佢最近接受英國網媒SHOWstudio嘅訪問截圖，貼文標明係「Interiew here」。訪問又再重提8年前嘅淫照事件，佢一臉嚴肅咁話：「我深切覺得呢件事嘅發生，係因為我冇確切咁搞清楚自己，就得出好多結論，我冇考慮到整個大環境，只考慮到自己，誤判咗環境，冇尊重我生活和賴以謀生地方嘅文化(指香港)。」Edison繼續解釋：「全世界嘅having sex都係閂埋門發生，我唔覺得我係呢個情景下做了任何特別錯誤嘅事，我唯一錯嘅係，在呢個文化背景下處理事件嘅做法，或者咁講係有啲直接，但係在性呢方面，我不認為我錯了。」記者追問佢係咪因為佢係男性，所以大眾係某程度上就假定佢嘅角色就應該更積極主動，就更應該被責備。佢就認為自己係絕對被曲解：「但係我唔覺得大家係想聽我講，大家只係想睇到更爆炸性嘅新聞。」記者追問佢點解覺得大家唔想了解佢嘅另一面，Edison就話：「我覺得大家有可能會認同我嘅想法，但就唔敢公開咁贊同我嘅說話，係內地有一塊浮雲籠罩住人們嘅潛意識，大家都覺得應該保持蟄伏同留係安全圈裏面。佢哋會覺得認同我係非常唔安全，如果為我說話或者聆聽我真的想講嘅說話，彷彿就會出現一個警告標誌或禁入標誌。有趣嘅係，我每次接受訪問，一次又一次咁問同一個問題，就永遠唔問哪個對嘅問題。」如果再回到當年，記者問佢會唔會好勇敢咁話自己無做錯，兼且唔隱退呢？Edison就話，自己經過一段時間思想過當中變化嘅過程，一開始佢認為自己應該堅持住然後說不，但係喺過去嘅8年裏面，起起伏伏咁比佢搵到自己。佢再話：「那件事，2008年，事實上對我產生咗積極嘅影響，實際上將佢我嘅生活變得更好，我覺得呢件係幸事，係我生命中好重面嘅一部份，它將我推入黑暗中，但我又回來了，兼且成長咗！」淫照事件中，Edison身邊有好多朋友都會同佢劃清界線，捨佢而去，記者都好八卦咁問佢，o依家嗰啲朋友有冇返嚟同佢道歉？他撇一撇嘴角，笑住話：「佢哋冇道歉，佢哋只係扮作咩事都無發生過，但我記得佢哋每一個人，再講我都唔係一個容易原諒人嘅人。」佢再講：「當你炙手可熱嘅時候，你會好受歡迎，當初嗰啲人會同我講，我當你係細佬，我就係你啲好姊妹，但當我出事之後，佢地接受傳媒訪問嘅時候會話唔識我......佢哋教曉我很重要嘅一課，就係珍惜真正愛你同留係你身邊嘅人，所以『fxxk them also thank you』。」跟住講到重遇淫照女主角想講乜，Edison就反而有啲遲疑，然後佢話：「我無意中撞過佢哋一兩次，我覺得我哋o依家對大家都好平和，很funny咁係飛機上碰到其中兩個，我完全唔知道會咁，但係大家都覺得咁樣係好爆，又被大肆宣傳。」Edison所提嘅就係張栢芝同鍾欣潼(阿嬌)，阿嬌就曾經講過，曾經好似栢芝咁喺飛機上遇到Edison，大家仲要前後咁坐，佢就即刻換拉，而Edison就寫咗一封好長嘅道歉信比佢，當時佢就話：「遲來嘅道歉信好過冇，對我來說都算係一種安慰。」
| (網上圖片) |  (網上圖片) |  他坦言自己唔係一個容易原諒別人嘅人。(網上圖片) |
 Edison承認淫照事件上自己做錯了。(網上圖片) |  (網上圖片) |  (網上圖片) |
|
鍾意就快D Share啦！
|
|
|